Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qaırat Kelimbetov ulttyq jobalardyń qurylymyn aıtty

2021 jyldyń 19 qazan 2021 18:08

NUR-SULTAN. QazAqparat – Ulttyq jobalardy júzege asyrý barysynda vıtse-mınıstrlerge birneshe mindet júkteledi. Bul jaıynda TALAP.Talks alańynda suqbat bergen QR Strategııalyq josparlaý jáne reformalar agenttiginiń tóraǵasy, «Astana» HQO basqarýshysy Qaırat Kelimbetov aıtty, dep habarlaıdy QazAqparat tilshisi.

«10 ulttyq jobadan 40 baǵyt taraıdy. Birneshe shaǵyn tapsyrma da bar. Máselen, «ekonomıkalyq ósim» baǵytynyń birneshe tarmaǵy bar. Nemese, «kúshti óńirler» baǵyty. Bul baǵyt «Nurly jer» men «Nurly jol» baǵdarlamalaryn qamtıdy. Al ol jerde shamamen 100 mindet jáne 200-den astam kórsetkish bar. ıAǵnı, kórsetkishterdiń ózi birneshe myń. Endi olardyń sany 200 bolady», - dedi Qaırat Kelimbetov.

Sonymen qatar ol ulttyq jobalardyń aıasynda árbir vıtse-mınıstrge qansha mindetten júkteletindigin aıtyp berdi.

«Eger árbir mınıstrlikke ortasha eseppen alar bolsaq, onda mınıstrdiń árbir orynbasaryna birden úshke deıin mindet júkteledi», - dedi ol.

Qaırat Kelimbetov elimiz alǵash ret memlekettik baǵdarlamadan ulttyq jobaǵa alǵash ret kóship otyrǵandyǵyna toqtaldy.

«Bul óte baıypty ári aýqymdy mindet. Buǵan qosa, eger biz 2025 jylǵa deıin qarjylandyrý jaıynda aıtar bolsaq, onyń bári eseptelingen jáne úsh jyldyq bıýdjette naqty qarastyrylǵan. Búginde úsh jyldyq bıýdjet Parlamenttik tyńǵylyqty talqylanyp jatyr», - dedi agenttik basshysy.


Joǵary qaraı