Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

«Qaıyrymdy ister marafony»: Balalarǵa arnalǵan 400-den astam joba júzege asyryldy

2021 jyldyń 16 maýsym 2021 18:14

NUR-SULTAN. QazAqparat - Táýelsizdiktiń 30 jyldyǵyna oraı Memleket basshysy bastamashylyq etken «Qaıyrymdy ister marafony» aıasynda búkil Qazaqstan boıynsha qaıyrymdylyq jáne áleýmettik mańyzy bar is-sharalar ótýde.

Bul týraly QazAqparat QR Aqparat jáne qoǵamdyq damý mınıstrliginiń baspasóz qyzmetine silteme jasap habarlaıdy.

«Qaıyrymdy ister marafony» aıasynda qazaqstandyqtar balalarǵa, balalar úıiniń tárbıelenýshilerine jáne kóp balaly otbasylardan shyqqan balalarǵa arnap, 400-den astam aktsııa men qaıyrymdylyq jobalaryn uıymdastyrdy.

Mysaly, Qaraǵandyda demeýshilerdiń qoldaýymen múmkindigi shekteýli balalar úshin robototehnıka mektebi, sondaı-aq Meıirimdilik mektebi uıymdastyryldy, onda balalar qorshaǵan ortaǵa uqypty qaraý, ekologııa máseleleri týraly bilim alýda.

Túrkistan oblysynda da «Qaıyrymdy ister marafony» dástúri jalǵasýda. Onda Tólebı aýdanynyń balalar aýylynyń tárbıelenýshilerine syılyq jasaldy: «Daryn.Online» bilim berý platformasymen birlesip, jastar resýrstyq ortalyǵy barlyq oqýshylarǵa túrli pánder boıynsha tegin jyldyq kýrstar usyndy.




Jalpy, 2021 jyldyń 16 maýsymyna «Qaıyrymdy ister marafony» respýblıkalyq jobasy aıasynda jyl basynan beri 7000-nan astam qaıyrymdylyq jáne volonterlik is-sharalar iske asyryldy.

160 000-nan astam muqtaj azamattarǵa qoldaý kórsetildi.

Marafondy uıymdastyrýǵa 100-den astam uıym, sonyń ishinde «Samuryq-Qazyna» AQ, «Vernyı kapıtal» kompanııalar toby, «ERG» jáne basqa da iri kompanııalar qosyldy.





Joǵary qaraı