Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

«Qaıyrymdy ister marafony»: Elordalyqtarǵa 10 myńnan astam azyq-túlik sebeti taratylǵan

2021 jyldyń 21 shilde 2021 15:30

NUR-SULTAN. QazAqparat – Táýelsizdiktiń 30 jyldyǵyn merekeleý aıasynda jyl basynan beri astana turǵyndaryna 10 myńnan astam azyq-túlik sebeti taratylǵan, dep habarlaıdy QazAqparat tilshisi.

Bul týraly Nur-Sultan qalasy Іshki saıasat basqarmasynyń basshysy Dáýren Babamuratov ákimdiktiń onlaın brıfıngisinde aıtty.

«Táýelsizdiktiń 30 jyldyǵy aıasynda Nur-Sultan qalasnyda 300-den astam shara ótkizildi. Bul sharalar 66 myńnan astam adamdy qamtyp, ataýly kómek pen qoldaý kórsetildi. «Qaıyrymdy ister marafony» uranymen ótken sharalar aıasynda ákimdik qyzmetkerleri men eriktiler, Qazaqstan halqy assambleıasynyń qalalyq bólimshesiniń ókilderi men bıznesmender jarty jyldyń ishinde 10 myńnan astam azyq-túlik sebetin taratty», - dedi ákimdik ókili.

Sondaı-aq, ol táýelsizdińtigin shapaǵatyn turǵyndarynyń shyndap sezinýine eriktilerdiń úlken ules qosyp júrgenin atady.

«Qysta volonterler muqtaj otbasylardyń aýlasyn qardan arshyp, dári-dármek ákep berýge kómektesti. Mysaly, «Qaıyrymdy ister marafony» aıasynda 8 naýryz merekesi qarsańynda ákimdiktiń bastamasymen 2 myńnan astam azyq-túlik sebeti úlestirildi. Ol kómekti egde adamdar, І, ІІ, ІІІ toptaǵy múmkindigi shekteýli jandar, jalǵyz ilikti analar, kópbalaly analar aldy. Bul marafon jyldyń aıaǵyna deıin jalǵasady. Ony arnaıy aıtyp otyrǵan sebebimiz, 30 jyldyq aıasyndaǵy qaıyrymdy isterge taǵy da demeýshiler tartyp, tek azyq-túlik sebetin taratýmen shektelmeı, jalpy mutaj otbasylarǵa jan-jaqty kómek sórsetkimiz keledi», - dedi Dáýren Babamuratov.


Joǵary qaraı