Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qaıyrymdylyq qanymyzda bar – Sáýle Orazova

2021 jyldyń 9 qazan 2021 11:15

PETROPAVL. QazAqparat – «Qazaqstannyń Qyzyl jarty aı» Soltústik Qazaqstan oblystyq fılıaly dırektory Sáýle Orazova otyz jyldan artyq ǵumyryn qaıyrymdylyqqa arnaǵan. Kómekke muqtaj adamdardyń qasynan tabylyp, kóptiń alǵysyna bólengen jandy QazAqparat tilshisi áńgimege tartqan edi.

- «Qazaqstannyń Qyzyl jarty aı» SQO fılıalynda qazir qansha erikti, volonter bar? Olar kimder?

- Bizdiń ujym úlken emes. Biraq biz eriktilerimizben myqtymyz. Olardyń arasynda túrli jastaǵy adamdar, túrli mamandyq ıeleri bar. Alaıda negizin stýdentter men zeınetkerler quraıdy. Buryn bizde eńbek etip, basqa salaǵa ketkender de umytpaıdy. Únemi habarlasyp, óz kómekterin usynyp turady. Byltyr koronavırýs órshigen kezde zeınetkerler úıde otyryp maska tigip, kóp kómek kórsetti. Al oblys boıynsha 60-tan astam volonterimiz bar. Barlyq densaýlyq saqtaý, bilim berý mekemeleriniń basshylary meniń basty kómekshilerim.

- Uıymnyń jumysyndaǵy negizgi baǵyty qandaı?

- Qoǵamdyq uıym óńirde adamgershilik mindetti júzege asyrady. ıAǵnı bizdiń kúndelikti jumysymyz qıyn jaǵdaıǵa tap bolǵan, tyǵyryqqa tirelgen, kómekke muqtaj jandarǵa kómektesý. Sý tasqynynan zardap shekkender, baspanasy órtenip dalada qalǵandar, qystyń kózi qyraýda barar jeri, basar taýy qalmaǵandar. Máselen bıyl 40 gradýs aıazda Petropavldaǵy Internatsıonal kóshesindegi 21 úıde gaz ballony jarylyp, birneshe otbasy dalada qaldy.

Ekinshi kúni bizdiń fılıal zardap shekkender ornalasqan evakopýnktke azyq-túlik jetkizdi. Keıin Arab Qyzyl jarty aı qoǵamynan kómek keldi. 20 otbasyna azyq-túlik: un, suıyq maı, túrli konserviler, jarmalar, shaı, taǵy basqalary taratyldy.




Óńirde qıyn jaǵdaıǵa tap bolǵan balalarǵa arnalǵan úsh ortalyq bar. Olarǵa sheteldik áriptesterimizdiń kómegimen jyly kıim-keshek, tósek-oryn, aıaq kıim, taǵy basqa kerek-jaraq jetkizildi. Úshinshi jyl qatarynan kóktemde tasqyn sýdan zardap shekkenderge «Kómek kartasy» qaıyrymdylyq aktsııasyn uıymdastyryp kelemiz. Kóktemde Qyzyljar aýdanyndaǵy Jelıakovo eldi mekeninde 6 úı janyp ketkende biz de qarap otyra almadyq. Kómekke muqtaj jandarǵa kıim-keshek, azyq-túlik jetkizdik.

Taǵy bir baǵytymyz – jyl saıyn dástúrli «Donor kúnin» uıymdastyrý. Oǵan kúsh qurylymdarynyń qyzmetkerleri belsendi at salysady. Osylaısha, Qan ortalyǵynyń qoryn 60 lıtr jáne odan da kóp mólsherde qanmen qamtýǵa kómektesemiz.

Turǵylyqty mekenjaıy joq adamdardy qysta ystyq aspen qamtamasyz etemiz. Budan basqa jalǵyzbasty, kóp balaly analardy, múgedekterdi qamqorlyqqa alǵanbyz.




- Jumysyńyzdaǵy eń qıyny ne?

- Tań qalýyńyz múmkin, biraq eń qıyny – resýrs tabý. Eger jetkilikti qarajatymyz bolsa bizdiń de qolymyz uzarady, múmkindigimiz arta túsedi. Soǵurlym qıyn jaǵdaıǵa tap bolǵandardy qamtımyz. Qazirgi ýaqytta negizinen sheteldik demeýshiler kómektesedi. Sondaı-aq, saýda ortalyqtarynda bizdiń jáshikterimiz ornalasqan. Ókinishke oraı, qaltaly azamattar qaıyrymdylyq jasaýǵa asyqpaıdy. Qazaq halqy qashan da jetimin qamqorlyqqa alyp, jesirin jylatpaǵan. Qaıyrymdylyq bizdiń qanymyzda bar, sony umytpasaq eken.

- Otbasyńyz jaıynda aıtsańyz. Іzińizdi basqan balalaryńyz bar ma?

- Eki qyzym bar. Tuńǵyshym Dınara – advokat, Almıra menimen birge fılıalda jumys isteıdi. Meniń isimdi jalǵastyrady ǵoı dep senemin. Sofııa, Raýshan, Álıhan degen jıenderim bar. Kishkentaı kezimde fortepıanada oınaýdy, mýzykant bolýdy armandadym. Biraq aýylda mýzyka mektebi joq. Bir týǵan kúnime áke-sheshem maǵan fortepıanany syıǵa tartty. Osylaısha, mýzykalyq aspapta ózdigimnen oınap úırendim. Qazir meniń armanymdy Sofııa oryndap jatyr. Ol mýzykalyq mektepti bitirdi, ýnıversıtette shet tilderdi meńgerip shyqty. Raýshan mektepte oqıdy, ol da daryndy, sýretti jaqsy salady. Dızaıner bolýdy armandaıdy. Álıhanym úshinshi synyp oqýshysy. Ol da mýzykalyq mektepke baryp júr. Dombyra synybynda oqıdy.







- Mamandyq tańdaýda ókingen jerińiz boldy ma?

- Joq. Meniń ár kúnim adamdardyń ómirimen tyǵyz baılanysty, qandaı da bir kómegim tıip jatsa qýanamyn. Olardyń júzindegi kúlki men rızashylyǵynan artyq maǵan marapat joq.

- Tuymdy áńgimeńiz úshin r ahmet.











Joǵary qaraı