Aýa raıy
Astana 24 °S
Almaty 30 °S
valıýta baǵamy
USD 412.55
EUR 468.66
RUB 5.79
CNY 58.80

«QazAgro» ońtaılandyrý sharalary arqyly 2 mlrd teńge únemdedi

2020 jyldyń 9 shilde 2020 19:56

NUR-SULTAN. QazAqparat – «QazAgro» ulttyq basqarýshy holdıngi» AQ Basqarýshy dırektory Asylhan Djývashev uıymdaǵy ońtaılandyrý sharalary týraly baıandady, dep habarlaıdy QazAqparat.

«Memleket basshysynyń tapsyrmasymen holdıng qyzmetiniń tıimdiligin arttyrý boıynsha belsendi jumys júrýde. Enshiles kompanııalardyń sany 7-den 3-ke deıin qysqardy. Mamyr aıynda Azyq-túlik kelisim-shart korporatsııasyn QR Aýyl sharýashylyǵy mınıstrligine berý aıaqtaldy. Júrgizilgen ońtaılandyrý sharalary jalpy ákimshilik shyǵyndardy shamamen 2 mlrd teńgege deıin qysqartýǵa múmkindik berdi», - dedi A. Djývashev Ortalyq kommýnıkatsııalar qyzmetinde ótken onlaın konferentsııada.

Sonymen birge, spıker holdıngtegi nesıelendirý protsesterin avtomattandyrý jumystary jóninde aıtyp berdi.

«Eńbek» memlekettik baǵdarlamasy sheńberinde shaǵyn nesıelendirýge arnalǵan elektrondyq ótinimder pılottyq rejımde synaqtan ótti.

«Shaǵyn nesıe berý qaǵıdalaryn bekitý týraly» ereje ózgergen soń, shaǵyn nesıe berýge arnalǵan ótinimder elektrondyq túrde qabyldanatyn bolady. Bul jedel túrde 3 saǵattan 2 kúnge deıin shaǵyn nesıe berý týraly sheshim qabyldaýǵa múmkindik beredi», - dedi «QazAgro» ókili.

Avtor Aıjan Serikjanqyzy
Basty sózder: Aýyl sharýashylyǵy,
Joǵary qaraı