Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qazaq balýany Qajymuqannyń 150 jyldyǵyna arnap túıe kóterdi

2021 jyldyń 11 sáýir 2021 16:35

NUR-SULTAN. QazAqparat – Belgili atlet, túrli ekstrımaldy jattyǵýlar boıynsha álem rekordyn jańartqan qazaq balýany Temir Sypataev Qajymuqannyń 150 jyldyq mereıtoıyna arnap taǵy bir rekord jasady, dep habarlaıdy QazAqparat tilshisi.

«Qazaqtyń dańqty palýany, kúsh atasy – Qajymuqan atamyzdyń 150 jyldyǵyna osy rekordymdy arnaımyn, Alla razy bolsyn barshalaryńyzǵa», - dep jazdy balýan Instagram-daǵy paraqshasynda.

Usynylǵan vıdeodan balýannyń túıeni kótergen boıy 30 qadamdaı júrip ótkenin kórýge bolady.



Temir Sypataev osyǵan deıin K-700, KamAZ, poıyz sııaqty aýyr tehnıkalardy súırep, ógiz kóterip jurtty tańǵaldyrǵan bolatyn.

Aıta keteıik, taǵy bir otandasymyz taǵa ııýden Qazaqstan rekordyn jańartyp, ol áreketin Qajymuqannyń mereıtoıyna arnady.

Eske salsaq, bıylǵy 3 aqpannan bastap Qajymuqannyń 150 jyldyǵyna oraı respýblıkalyq vıdeochellendj bastaý alǵan bolatyn. Temir Sypataevtyń rekordy sol chelendjdi jańa deńgeıge shyǵaryp otyr.

Resmı qujattarǵa súıensek, 7 sáýir kúni qazaqtyń áıgili balýany Qajymuqan Muńaıtpasulynyń týǵanyna 150 jyl toldy.

Qajymuqan Muńaıtpasulynyń 150 jyldyǵynyń ashylý rásimi 10 aqpan kúni Q.Muńaıtpasuly atyndaǵy olımpıada rezerviniń mamandandyrylǵan respýblıkalyq mektep-ınternat-kolledjinde Mədenıet jəne sport mınıstri Aqtoty Raıymqulovanyń qatysýymen ótti.

Byltyr kúzde Ordabasy aýdanynda Qajymuqan Muńaıtpasuly atyndaǵy sport kesheni salynatyny habarlanǵan edi.

Al Túrkistan Túrkistan oblysynyń ákimi Ómirzaq Shókeev balýannyń memorıaldyq kesheni bıyl salyna bastaıtynyn aıtty.


Joǵary qaraı