Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Qazaq KSR-niń eks-bilim mınıstri Qajahmet Balahmetov ómirden ozdy

2021 jyldyń 6 qarasha 2021 16:28

NUR-SULTAN. QazAqparat - Qazaq KSR-niń eks-bilim mınıstri, bilim berý salasynyń ardageri Qajahmet Balahmetov ómirden ótti. Bul týraly QR Bilim jáne ǵylym mınıstri Ashat Aımaǵambetov málim etti, dep habarlaıdy QazAqparat.

«Búgin otandyq bilim berý isiniń korıfeıi, Qazaq KSR bilim berý mınıstri bolǵan Qajahmet Balahmetov ómirden ótkendigi týraly sýyt habar jetip, kóńildi qulazytty.

Qajahmet Balahmetuly elimizdiń bilim berý salasyn damytýǵa baǵa jetpes úles qosqan adam. Bul salany 13 jyldan astam basqarǵan ol, balalar men jastardy oqytý máselesine erekshe nazar aýdaratyn.

Sońǵy ret Qajahmet Balahmetovpen bıyl jazda 95 jas mereıtoıymen quttyqtap barǵanymda kezdesip edik. Ol únemi bilim berý isindegi jańalyqtardy qadaǵalap, óz tájirıbesimen bólisip otyratyn.

Qajahmet Balahmetulynyń týǵan-týystary men jaqyndaryna qaıǵylaryna ortaqtasyp, kóńil aıtamyn», - dep jazdy A.Aımaǵambetov Facebook-paraqshasynda.

Qajahmet BALAHMETOV 1926 jyly 26 maýsymda qazirgi Aqmola oblysynda dúnıege kelgen.

1948 jyly QazMÝ-dy (qazirgi ál-Farabı atyndaǵy Qazaq ulttyq ýnıversıtetin) bitirgen.

1948 — 1952 jyldary – Syrymbet orta mektebiniń muǵalimi.

1953 — 1957 jyldary – Eńbekshilder aýdany Makınsk jáne Stepnıak orta mektepteriniń dırektory.

1957 — 1960 jyldary – Kókshetaý oblysy Halyqqa bilim berý bólimi meńgerýshisiniń orynbasary, 1968 — 1980 jyldary – meńgerýshisi.

1970 — 1974 jyldary – Qazaqstan Kompartııasy OK-niń Ǵylym jáne bilim berý mekemeleri bólimi meńgerýshisiniń orynbasary.

1974 — 1987 jyldary – Qazaq KSR Oqý-aǵartý mınıstri qyzmetterin atqarǵan. Bilim berý máselelerine arnalǵan 70-ten asa eńbegi jaryq kórdi. Úsh márte Eńbek Qyzyl Tý ordenimen jáne medaldarmen, tósbelgilermen jáne gramotalarmen marapattalǵan.


Joǵary qaraı