Aýa raıy
Astana -9 °S
Almaty -6 °S
valıýta baǵamy
USD 421.58
EUR 496.83
RUB 5.53
CNY 62.20

Qazaq-qyrǵyz shekarasyndaǵy kólik keptelisi máselesi sheshildi

2020 jyldyń 26 maýsym 2020 13:57

NUR-SULTAN. QazAqparat – Qazaq-qyrǵyz shekarasyndaǵy kólik keptelisi máselesi sheshimin tapty, dep habarlaıdy QazAqparat tilshisi.

«Qazaqstan men Qyrǵyz Respýblıkasy shekarasynda kólik kezeginiń qalyptasý sebebin buǵan deıin BAQ arqyly QR Qarjy mınıstrligi túsindirgen bolatyn. Qazirgi tańda qazaq-qyrǵyz shekarasynda kóliktiń bolsyn, júk kóliginiń bolsyn jınalyp qalýy jaǵynan eshqandaı problema joq. Maýsym aıynyń basynda máseleler týyndaǵan edi. Biraq onyń birneshe obektıvti sebebi boldy: birinshiden karantın shekteýlerine baılanysty bizde ótkizý beketteriniń birazy jumysyn toqtatqan bolatyn. Alaıda jaǵdaı qıyndaǵan kezde de Qazaqstan júk tasymaldaýshylar úshin bir kún de shekarany japqan joq», - dedi QR UQK Shekara qyzmeti Shekaralyq baqylaý departamenti bastyǵynyń orynbasary, polkovnık Oleg Fısenko OKQ-daǵy baspasóz máslıhatynda.

Jalpy, maýsymnyń basynda Qyrǵyz Respýblıkasymen shekaradaǵy kóliktiń jınalyp qalýynyń taǵy bir sebebi jemis-jıdektiń pisip, shekara arqyly ótkisi kelýshilerdiń kóbeıýýine baılanysty bolǵan.

«Ótkizý beketterinde Shekara qyzmeti eshqandaı shekteý engizgen joq. Júk tasymaldarynyń baqylaýyn kúsheıtpedi. Búgingi kúni ondaǵy ótkizý beketteriniń bári jumys istep tur. Másele sheshildi. Qazaqstan tarapynda da, Qyrǵyz Respýblıkasy tarapynda da kóliktiń jınalyp qalý jaǵdaıy joq», - dedi ol.

Eske sala keteıik, biz buǵan deıin qazaq-qyrǵyz shekarasynda uzyn-sonar kólik kezegi qalyptasqanyn jazǵan bolatynbyz. Komıtet buǵan jemis-kókónis ónimderi maýsymynyń bastalýy, QHR-men saýda-sattyqty jańartý jáne COVID-19 ınfektsııasyna baılanysty 5 ótkizý pýnktiniń jumys istemeı turǵany sebep boldy dep túsindirgen.



Joǵary qaraı