Aýa raıy
Astana 9 °S
Almaty 2 °S
valıýta baǵamy
USD 421.58
EUR 496.83
RUB 5.53
CNY 62.20

Qazaq-qyrǵyz shekarasyndaǵy uzyn-sonar kólik keptelisiniń sebebi belgili boldy

2020 jyldyń 5 maýsym 2020 17:30

NUR-SULTAN. QazAqparat - Qazaqstannyń Memlekettik kirister komıteti qazaq-qyrǵyz shekarasyndaǵy uzyn-sonar kezektiń sebebin túsindirdi, dep habarlaıdy QazAqparat.

Memlekettiń ekonomıkalyq múddesin qorǵaý jáne taýarlardyń kóleńkeli aınalymyn tómendetý maqsatynda Memlekettik kirister komıteti 2019 jyldyń basynan beri EAEO elderimen shekarada ótkiziletin júkterge monıtorıng júrgizedi. Sodan bergi ýaqytta jalǵan tulǵalar men bankrottar atyna 10,3 myń taýarlarǵa ilespe qujat resimdelgeni, jalǵan tranzıttiń 13 myńnan astam faktisi anyqtaldy.

Tek birinshi toqsannyń ózinde QR arqyly RF-ǵa tranzıt retinde málimdelgen júktiń 17% Qazaqstanda qalǵan. Taýarlardyń mundaı kóleńkeli aınalymy bıýdjetke zııan keltiredi jáne otandyq bızneske básekeniń teń emes jaǵdaıyn týǵyzady. Bul faktilerdiń barlyǵy Qyrǵyz Respýblıkasy quzyretti organdarynyń nazaryna jetkizilgen.

2019-2020 jyldar ishinde EAEO jáne DSU alańynda, ekijaqty formatta, quzyretti organdar men úkimet deńgeıinde birqatar kezdesýler boldy.

«Bıylǵy aqpan aıynda ótkiziletin júkter boıynsha aldyn ala aqparat almasý, navıgatsııalyq qulyptardy jáne eki eldiń aqparattyq júıelerinde bar derekterdi paıdalaný arqyly taýarlardyń kóleńkeli aınalymyn tómendetý máselelerinde ózara is-qımyldyń qajettiligi talqylandy. Bul órkenıetti saýda-sattyqty uıymdastyrýǵa jáne eki memlekettiń bıýdjet kiristeriniń artýyna yqpal etýshi edi. Alaıda, kezdesý hattamasyna qyrǵyz tarapynan qol qoıylmady, poshta arqyly joldanǵan nusqasy jaýapsyz qaldy. Qyrǵyz áriptester tarapynan syndarly dıalogtyń ornyna Qyrǵyz Respýblıkasyndaǵy ishki salyqtyq ákimshilendirýdi saýda kedergisi dep taný maqsatynda shekaradaǵy jaǵdaıdy ádeıi shıelenistirý jáne arandatý júrgizilýde» delingen komıtet habarlamasynda.

Qazirgi ýaqytta shekarada avtokólik jınalyp qalǵan. Bul jemis-kókónis ónimderi maýsymynyń bastalýymen, QHR-men saýda-sattyqty jańartýmen jáne COVID-19 baılanysty 5 avtomobıl ótkizý pýnktiniń jumysyn toqtatýymen baılanysty bolyp otyr.

ıAǵnı, ótkiziletin avtokólik qarqyny ótkizý pýnkteriniń ótý jyldamdyǵynan artyq bolyp otyr.

2020 jylǵy 3 maýsymda «Qarasý» AÓP jáne «Aqtilek-avtojol» AÓP-da jınalý sebepterin anyqtaý maqsatynda Qazaqstan Respýblıkasy men Qyrǵyz Respýblıkasy ókilderi kezdesti. Baqylaý rásimderiniń hronometrajy eki ótkizý pýnktinen ótý - 30-35 mınýtty, onyń ishinde QR salyqtyq baqylaý úshin qujattardy skanerleý - 3 mınýtty alǵanyn kórsetti.

Bul rette qyrǵyz tarapy hronometraj ótkizý kezinde PTR test tapsyrǵannan keıin júrgizýshiler nátıjesin kútpesten, tek saýalnamany toltyryp ǵana QR-na shyǵarylǵanyn rastady. Osyǵan baılanysty ótkizý pýnktinde ony jasaýdyń qajeti qansha degen suraq týyndaıdy.

Qazaqstan tarapy shekarada kezek bolmas úshin mundaı testileýdi beketten tysqary jerde ótkizýde. Budan basqa, qarsy jolaqpen kezekten tys ótý qyzmetin usynatyn «ótkizip jiberýshilerdiń» áreketine Qyrǵyzstan júrgizýshileri narazylyq bildirýde.

«Búgingi kúni aǵynnyń ulǵaıýyn eskere otyryp, táýligine 200-ge jýyq júk jáne sondaı basqada avtokólik quraldary shekaradan ótýde. Shekaranyń Qazaqstan ýchaskesinde taýar-kólik júkqujattaryn skanerleýdi esepke ala otyryp, júk AKQ ótý ýaqyty 15-20 mınýtty quraıdy. Qalyptasqan mán-jaıdy nazarǵa ala otyryp, qyrǵyz tarapyn órkenıetti saýda-sattyqty uıymdastyrý jáne bıýdjet pen bıznes múddesi úshin kóleńkeli aınalymdy qysqartý jóninde birlesken sharalar qabyldaýǵa taǵy da shaqyramyz. Birlesken sharalar qabyldamaı bul máseleni sheshý múmkin emes» deıdi komıtetten.

Keshe EEK otyrysynda Qyrǵyz Respýblıkasynyń Vıtse-Premeri E.Sh. Asrandıevtiń qatysýymen osy máseleler talqylandy, ol birlesken jumys tobyn qurý qajettigimen kelisti.


Joǵary qaraı