Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Qazaq radıosynyń alǵash habar taratqanyna 100 jyl toldy

2021 jyldyń 1 qazan 2021 08:05

NUR-SULTAN. QazAqparat - 1921 jyly Orynbor qalasynan alǵash ret qazaq radıosy habar taratqan, dep habarlaıdy QazAqparat.

1926 jyldyń 3 qazanynan bastap Qyzylorda qalasynda Qazaq radıosy óz habarlaryn turaqty berýdi odan ári jalǵastyrdy.

Almaty radıostantsııasy 1931 jyly 1 mamyrda ashyldy.

30-shy jyldar Qazaq radıosynyń damý jyldary boldy.

Radıojýrnalıstıka jolǵa qoıylyp, radıo buqaralyq aqparat quraldarynyń biri retinde nyǵaıyp, bekidi.

Qazir quramyna 4 birdeı (Qazaq radiosy, Shalqar, Astana, Classic) radıony biriktirgen QAZAQ RADIOLARY seriktestigi búkil qazaq dalasyna aqparat taratady.

Radıonyń «Altyn qorynda» 1948 jyldan beri jınaqtalǵan 100 myńnan astam aýdıojazba bar. Onyń 300-den astamy notalyq qoljazbalar.

Ult únjarııasy atanǵan radıo tek respýblıkaǵa ǵana emes, Reseı, Qytaı, Ózbekstan, Qyrǵyzstannyń shekaralas aımaqtaryn qamtıdy. Kez kelgen elden onlaın rejımde tyńdaýǵa bolady. Búginde Qazaq radıosy 7 tilde habar taratatyn jáne saǵat saıyn eki tilde jedel jańalyq jetkizetin eldegi eń áýelgi buqaralyq aqparat quraldarynyń biri.

2021 jylǵy 13 tamyzda Qazaqstan Respýblıkasy Úkimetiniń Qaýlysymen 1 qazan Radıo qyzmetkerleri kúni bolyp jarııalandy. Buǵan deıin, Buqaralyq aqparat quraldary qyzmetkerleriniń kásibı merekesimen quttyqtaý barysynda Memleket basshysy Qasym-Jomart Toqaev Qazaq radıosynyń 100 jyldyǵyn merekeleý aıasynda 1 qazandy Radıo qyzmetkerleri kúni dep jarııalaýdy usynǵan bolatyn. Qazaqstanda radıohabar taratý tarıhy 1921 jyldyń qazan aıynda bastalǵan bolatyn.
Avtor Erbol Janat
Basty sózder: BAQ, Qazaqstan tarıhy,
Joǵary qaraı