Aýa raıy
Astana -16 °S
Almaty -3 °S
valıýta baǵamy
USD 421.58
EUR 496.83
RUB 5.53
CNY 62.20

Qazaq tili álipbıin latyn grafıkasyna kezeń-kezeńimen kóshirý júıeli júrgizilýde – Vıtse-mınıstr

2020 jyldyń 22 qazan 2020 13:43

NUR-SULTAN. QazAqparat – Elimizde 2014 jyldan beri etnomádenı birlestikter janynda memlekettik til men ár etnostyń óz ana tilin oqytý kýrstary uıymdastyrylyp keledi. Búgingi kúnge deıin osyndaı oqytý kýrstarynan 81% etnos ókilderi oqýdan ótipti. Bul týraly «Uly dalanyń ultaralyq tili» respýblıkalyq forýmynda QR Aqparat jáne qoǵamdyq damý vıtse-mınıstri Marat Ázilhanov aıtty, dep habarlaıdy QazAqparat tilshisi.

«Qazaqstan – túrli tarıhı kezeńderde qanshama ult pen ulysqa qushaǵyn ashyp, baýyryna basqan el. Kópultty halqymyzdyń tatý birligi men yntymaǵynyń arqasynda búginde ultaralyq qatynastyń qazaqstandyq biregeı úlgisi qalyptasty. Árıne, ultaralyq tatýlyqtyń qazaqstandyq modeli týraly aıtqanda memlekettigimizdiń negizin qalaǵan, Tuńǵysh Prezıdentimiz, Elbasy Nursultan Nazarbaevtyń eren eńbegin erekshe atap ótýge tıispiz. Sondaı-aq, Memleket basshysy Qasym-Jomart Toqaev halyqqa Joldaýynda «Qazaq tiliniń memlekettik til retindegi róli kúsheıip, ultaralyq qatynas tiline aınalatyn kezeńi keledi» degen bolatyn», - deıdi QR Aqparat jáne qoǵamdyq damý vıtse-mınıstri Marat Ázilhanov.

Onyń aıtýynsha, Aqparat jáne qoǵamdyq damý mınıstrligi elimizdegi etnomádenı birlestiktermen qashanda tyǵyz qarym-qatynasta baılanys ornatýǵa múddeli.

«Bul maqsatta baǵytymyz – aıqyn, josparymyz – belgili. Atap aıtqanda, elimizde 2014 jyldan beri etnomádenı birlestikter janynda memlekettik til men ár etnostyń óz ana tilin oqytý kýrstary uıymdastyrylyp keledi. Búgingi kúnge deıin osyndaı oqytý kýrstarynan 81% etnos ókilderi oqýdan ótipti. Jalpy, 2011 jyldan bastap Memlekettik til oqytý ortalyqtarynda jarty mıllıonnan astam el azamattary (513 624) qazaq tili kýrstaryn oqyp shyqqan. Memleket basshysynyń tapsyrmasy negizinde til saıasatyn iske asyrýdyń 2020-2025 jyldarǵa arnalǵan memlekettik baǵdarlamasy bekitildi. «Rýhanı jańǵyrý» baǵdarlamasy aıasynda qazaq tilin latyn grafıkasyna kezeń-kezeńimen kóshirý jumystary júıeli júrgizilip keledi», - deıdi ol.

Vıtse-mınıstr qazaq tiliniń qoǵamdaǵy qoldanys aıasyn keńeıtý baǵytyndaǵy jumystar osy baǵdarlamalar jáne basqa da jobalar sheńberinde óz jalǵasyn taba beretin aıtty.

«Eń bastysy, memleket bul jobalardyń barlyǵynda da eń aldymen ózderińizdeı talantty da belsendi azamattarǵa senim artady. Qazaq tilin ultaralyq qoldanys dárejesine jetkizý úshin memlekettik tildi jetik meńgergen sizderdiń kómekterińiz asa qajet. Qoǵam búgingi sizdermen maqtanady. Basqalar sizderge qarap oı qalyptastyrady, boı túzeıdi», - deıdi Marat Ázilhanov.


Joǵary qaraı