Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Qazaq tili men qazaq ádebıeti muǵalimderiniń qaýymdastyǵy quryldy

2021 jyldyń 21 jeltoqsan 2021 20:30

NUR-SULTAN. QazAqparat – Elimizde negizgi pánder boıynsha Respýblıkalyq pedagogter qaýymdastyǵy qurylady. Bul týraly qazaq tili men qazaq ádebıeti pánderi muǵalimderiniń sezinde jarııa etildi, dep habarlaıdy QazAqparat Bilim jáne ǵylym mınıstrliginiń baspasóz qyzmetine silteme jasap.

Іs-sharaǵa Bilim jáne ǵylym mınıstri Ashat Aımaǵambetov, elimizdiń barlyq óńirinen kelgen pedagogter, lıngvıst-ǵalymdar, sondaı-aq joǵary oqý oryndarynyń oqytýshylary men rektorlary qatysty. Muǵalimder tájirıbelerimen bólisip, qazaq tili men ádebıetin oqytý sapasyn arttyrý, qashyqtan oqytýǵa baılanysty bilimdegi olqylyqtardyń ornyn toltyrý máselelerin talqylady.

Pedagogter qazaq tilin oqytý sapasyn arttyrý jáne pán boıynsha úlgilik oqý baǵdarlamasyn jetildirý týraly oılarymen bólisti. Olar sondaı-aq qazaq tili men qazaq ádebıetin oqytýdaǵy jańa tásilderdi qarastyrýdyń mańyzdylyǵyn atap ótti.

Sonymen qatar sezde elimizde negizgi pánder boıynsha Respýblıkalyq pedagogter qaýymdastyǵy qurylatyny týraly habarlandy. Muǵalimder qaýymdastyǵy ózekti máselelerdi talqylaý alańyna aınalady. Osylaısha, alǵashqylardyń biri bolyp qazaq tili men qazaq ádebıeti muǵalimderiniń qaýymdastyǵy quryldy. Qaýymdastyqtyń bólimsheleri elimizdiń árbir aýdanynda, qala men barlyq óńirde jumys isteıtin bolady.

«Búgin biz mańyzdy máseleni kóterip, qazaq tili men qazaq ádebıetin oqytý sapasyn ashyq talqylap otyrmyz. Eger bul máselelerdi sheshý joldaryn izdemesek, biz odan ári damymaımyz. Bul qazaq tili men ádebıeti pánderi boıynsha oqýlyqtardyń mazmuny, oqý baǵdarlamalary jáne joǵary oqý oryndarynda mamandar daıarlaý máseleleri. Ózekti suraqtardy talqylaý jáne sheshý, sonymen birge pánderdi oqytý sapasyn arttyrý óte mańyzdy. Árbir pánniń orny erekshe: matematıka, fızıka, hımııa, aǵylshyn tili, dene shynyqtyrý jáne basqa da pánder mańyzdy bolyp tabylady.Sondyqtan mundaı sezder dástúrli túrde uıymdastyrylyp, atalǵan forýmdar mektep qabyrǵasynda oqytylatyn basqa da pánder boıynsha ótkiziledi», – dedi Bilim jáne ǵylym mınıstri Ashat Aımaǵambetov.

Orys tili men ádebıeti pánderi muǵalimderiniń sezi kelesi aptaǵa josparlanǵan. Esterińizge sala keteıik, buǵan deıin Memleket basshysy «Ulttyq rýhanı jańǵyrý» jobasy aıasynda memlekettik tildi odan ári damytý mindetin qoıǵan bolatyn. Atap aıtqanda, oqý baǵdarlamalaryn jańartý, oqý jáne kórkem ádebıetke qoljetimdilikti qamtamasyz etý.


Joǵary qaraı