Aýa raıy
Astana -26 °S
Almaty 0 °S
valıýta baǵamy
USD 421.58
EUR 496.83
RUB 5.53
CNY 62.20

Qazaq valsiniń padıshasy – Shámshi ánderi qýyrshaq teatrynda

2020 jyldyń 23 qazan 2020 16:43

ALMATY. QazAqparat – Almatydaǵy memlekettik qýyrshaq teatrynda Shámshi Qaldaıaqovtyń týǵanyna 90 jyl tolýyna oraı «Ómir – ózen» atty jańa mýzykalyq qoıylymynyń premerasy ótti, dep habarlaıdy QazAqparat tilshisi.

Almaty Memlekettik qýyrshaq teatrynyń sahnasynda qazaq valsiniń koroli Shámshi Qaldaıaqovtyń 90 jyldyq mereıtoıyna oraı syrly sazgerdiń án qazynasyna saıahat jasaıtyn «Ómir - ózen» teatrlandyrylǵan mýzykalyq qoıylymy qalyń kórermenge jol tartty.




Atalmysh týyndynyń rejısseri Erkebulan Qabdyl ulttyq qundylyqtarǵa toly uly sazger ánderin qýyrshaq teatr keńistiginde tuńǵysh ret usynyp otyrǵanyn jetkizdi.

«Spektakldi tamashalaýǵa kelgen kórermender ártúrli taqyrypta jazylǵan Shámshi ánderiniń tereńine boılaı túsedi. Shámshiniń ánderi ár qazaqtyń tórinde shyrqalyp, halyqpen birge jasap keledi. Sondyqtan da bizdiń spektaklimizge kelgen kórermender uly sazgerdiń qudiretti ánderimen taǵy da bir ret qaýyshyp, án áleminde júzdi. Ásirese, jastar úshin tárbıelik mańyzy zor. Olar halqymyzdyń jaryq juldyzyna aınalǵan Sh.Qaldaıaqovtyń án álemine qulash uryp, onyń shyǵarmashylyǵyna baılanysty az da bolsa málimet aldy»,– deıdi rejısser Erkebulan Qabdyl.




«Ómir - ózen» qoıylymy belgili bir oqıǵaǵa baǵyndyrylyp, kompozıtsııalyq tutastyqqa negizdeldi. Árbir ánniń týý tarıhy spektakl keıipkerleriniń basynan ótip jatqan mańyzdy oqıǵalarmen baılanysyp, kórermenderdiń qyzyǵýshylyǵyn arttyra tústi.

Aıta keteıik, teatrda barlyq sanıtarlyq talap oryndaldy. Kórermender maska taǵyp, áleýmettik araqashyqtyqty saqtady.





Avtor Alma Muqanova
Basty sózder: Mádenıet, Óner, Almaty,
Joǵary qaraı