Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qazaq jáne japon mýzykanttary Olımpıada qatysýshylaryna kompozıtsııa arnady

2021 jyldyń 26 shilde 2021 18:55

NUR-SULTAN. QazAqparat - Jambyl atyndaǵy Qazaq memlekettik fılarmonııasynyń artısteri Tokıoda ótip jatqan Olımpıadaǵa oraı dostyq, kelisim jáne ózara qoldaýǵa arnalǵan beınerolık jarııalady, dep habarlaıdy QazAqparat.

Mádenıet jáne sport mınıstrliginiń málimetine sensek, beınerolıkke Jambyl atyndaǵy Qazaq Memlekettik fılarmonııasynyń jeke oryndaýshylary Erjan Álimbetov (dombyra), Fedor Artamonov (vıolonchel); B.Baıqadamov atyndaǵy Memlekettik hor kapellasynyń artısi Indıra Qudabaeva (vokal); «STEPPE SONS» alternatıv-folk tobynyń beldi múshesi Muratbek Ramanqulov sekildi qazaq mýzykanttarymen qatar, japon mýzykanttary ıÝmıko Fýrýhashı (morınhýýr), Takeshı Takeýchı (elektr bas), Týzan Hırano (sıakýhachı), Aı ıAmagýchı (vokal) atsalysqan.

Artıster birigip Rokýsýke Eıdiń sózine, kompozıtor Hatıdaı Nakamýranyń mýzykasyna jazylǵan japondyq ánshi Kıý Sakamotonyń áıgili «Ue o Muite Arukō» ( « Sukiyaki « ) ánin oryndap shyqty.

Bul án Japonııada 1961 jyly dúnıege kelgen, birneshe memleketterdiń top-charttarynda, sonyń ishinde amerıkandyq «Billboard hot 100» chartynda birinshi oryndy ıemdengen.

Sonymen qatar, mýzykanttar qazaqtyń «Kózińniń móldirin-aı» atty halyq ánin naqyshyna keltirip oryndady.

- Meniń oıymsha, qazaq mýzykanttarymen birigip jasaǵan kompozıtsııamyz óte jyly ári shynaıy shyqqan sekildi. Bul shyǵarmashylyq kollaboratsııa keremet boldy, men jumys qorytyndysyna tań qalyp otyrmyn. Jobaǵa qatysqan barsha mýzykanttarǵa jáne jobaǵa qatysýǵa shaqyrǵan Serik Nurmoldaevqa alǵysymyz sheksiz! – dep jazady óziniń jeke paraqshasynda jobaǵa qatysýshylardyń biri ıÝmıko Fýrýhashı.

Joba mýzykanttardyń kompozıtsııaǵa qazaq jáne japon halyqtarynyń kóne mýzykalyq aspaptaryn paıdalanýymen jáne ánniń túpnusqa tilinde oryndalýymen erekshelengen.

Beınerolıkte eki memlekettiń aıryqsha tabıǵaty men kóne salt-dástúrleri kórsetildi.

Kompozıtsııanyń negizgi ıdeıasy - halyqtar arasyndaǵy ózara baılanysty ornatý jáne qoldaý kórsetý.


Joǵary qaraı