Aýa raıy
Astana -9 °S
Almaty -3 °S
valıýta baǵamy
USD 421.58
EUR 496.83
RUB 5.53
CNY 62.20

QazAqparat tilshisi respýblıkalyq baıqaýda júldeger boldy

2020 jyldyń 26 maýsym 2020 17:44

NUR-SULTAN. QazAqparat - QR Mádenıet jáne sport mınıstrligi «Memlekettik til jáne BAQ-2020» respýblıkalyq baıqaýynyń jeńimpazdaryn marapattady, dep habarlaıdy QazAqparat tilshisi.

Elimizdegi koronavırýs ahýalyna baılanysty marapattaý sharasy onlaın rejımde ótti.

Sonymen baıqaýdyń bas júldesi «Ana tili» gazetinen Dáýirjan Tólebaevqa buıyrdy. Al «Úzdik maqala» atalymynda 1-oryn - «Egemen Qazaqstan» gazetiniń tilshisi Orynbek Pazylovqa, 2-oryn - «Aıqyn» respýblıkalyq qoǵamdyq-saıası gazetiniń tilshisi Gúlzına Bektasovaǵa, 3-oryn - «Ana tili» gazetiniń tilshisi Qaragóz Simádilge buıyrdy.

«Úzdik saıt maqalasy» atalymynda «Aladop.kz» saıtynan Ermuhamed Máýlen 1-oryn alsa, «QazAqparat» halyqaralyq aqparat agenttiginiń tilshisi Aıan Óribaı men «Elorda Aqparat» tilshisi Aıan Ábdýálı 2 jáne 3-oryndardy bólisti.

«Úzdik radıobaǵdarlama» atalymynda 1-oryn «Shalqar» radıosynan Gúlnur Omarhanqyzyna berildi. Al ekinshi orynǵa «QAZAQ RADIOLARY» JShS-inen Aınur Shamsheıitova, úshinshi orynǵa «Shalqar» radıosynan Nurmat Mansur taban tiredi.

Bas júlde ıegerine 1 mln, al qalǵan atalymdardyń 1-ornyna - 500 myń, 2-orynǵa - 350 myń, 3-orynǵa - 150 myń teńgeden aqshalaı syıaqy berildi.

Aıta keterligi, bul baıqaýda elimizdiń túkpir-túkpirindegi 56 jýrnalıstiń 2019 jylǵy 11 maýsym men 2020 jylǵy 3 maýsym aralyǵynda jarııalanǵan 116 materıaly talqyǵa tústi.





Joǵary qaraı