Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

«QazAqparattyń» qaıyrymdy ister qadamy

2021 jyldyń 3 jeltoqsan 2021 11:30

NUR-SULTAN. QazAqparat – Qoǵamdaǵy muqtaj jandarǵa kómektesý, taǵdyr tálkegine ushyraǵandardyń túrli qıyndyqtarymen birge kúresý - adamgershilik qundylyqtardy joǵary baǵalaıtyn jurtshylyqtyń deńgeıin de bildirse kerek. Qazirgi álem úshin de qaıyrym men meıirim asa ózekti, meılinshe mańyzdy. Osyndaı mańyzdy máselege áriptesterin úndep, ujym bolyp jumyla den qoıýdy ádetke aınaldyrǵan «QazAqparat» HAA» AQ qyzmetkerleri muqtaj otbasylar úshin qaıyrymdylyq sharalaryn 2016 jyldan beri júıeli uıymdastyryp keledi.

Dástúrge aınalǵan shara barysynda ujym eriktileri elordadaǵy muqtaj otbasylardy taýyp, olarǵa tikeleı kómektesýdi qolǵa alǵan. Osylaısha qıyn jaǵdaıda qalǵan otbasylarǵa, balalarǵa azyq-túlik pen aqshalaı kómek kórsetiledi.

QazAqparattyń qaıyrymdylyq aktsııalary negizinen jylyna 3 ret, keıde yńǵaıy men retine qaraı 4-5 ret ótkiziledi. Olardyń negizgisi:

- Naýryz meıramynda;

- «Mektepke jol» aktsııasy aıasynda nemese Oraza aıt, Qurban aıt merekelerinde;

- Táýelsizdik kúnine oraı.










Atalǵan aktsııalardan tys, sondaı-aq naýqas jandardyń emine qarajat jınaý uıymdastyrylyp turady.

Jalpy alǵanda, búginge deıin «QazAqparat» HAA» AQ» ujymy atynan 20 otbasyǵa kómek kórsetilgen eken. Sonyń ishinde 4 otbasy turaqty qamqorlyqqa alynǵan.

Ujymnyń turaqty qamqorlyǵyndaǵy 4 otbasyǵa qosymsha kómek kórsetý úshin kásipker azamattardyń da demeýshilik qarajaty tartylady. Ásirese pandemııa kezinde qıyndyqqa ushyraǵandarǵa qoldan kelgenshe járdem berildi, arnaıy antıseptık quraldary, medıtsınalyq betperdeler tegin taratyldy. Budan bólek, agenttiktiń birqatar qyzmetkerleri aktsııalardan tys, jeke-dara da kómek kórsetip keledi.










Aıta keterligi, ujymnyń qamqorlyǵyna alynǵandar qatarynda Hýdaıbergenovter otbasy bar. «QazAqparat» januıanyń máselesine kópshiliktiń, bıliktiń nazaryn aýdartý maqsatynda otaǵasymen suhbat ta jarııalaǵan bolatyn. Onda jalǵyzbasty áke 4 balany tárbıelep otyrǵany aıtyldy. Osy qamqorlyqqa alynǵan otbasynyń balalary 2016 jyldan beri kóz aldymyzda ósti dese bolady. Otaǵasy Shahdat Hýdaıbergenovti ıkemdi grafıgi bar jumysqa ornalastyrý maqsatynda QR Prezıdenti Ákimshiliginiń ishki saıasat bóliminen kómek suraldy. Alaıda, onyń ara-tura asqynatyn onkologııalyq syrqatyna baılanysty eńbekke ornalasý múmkindigi bolmady. Sh.Hýdaıbergenovke jylyna 3 ret uıymdastyrylatyn aktsııalardan bólek, emine de aqsha jınalady.




















2016 jyl











2017 jyl







2018 jyl




2020 jyl

2021 jyly elimizdiń ulyq merekelerine oraılastyrylǵan ıgi sharalardyń biri – Naýryz meıramyna oraı ótti. Dástúrli túrde jyldy qorytyndylaıtyn qaıyrymdylyq isi – aldaǵy Táýelsizdik kúnine arnalady.

Agenttik ujymy qaıyrymdylyq sharalarynan foto,-vıdeo materıaldardy kópshilikke, sonyń ishinde áleýmettik jelilerge taratýdy maqsat etpeıdi. «Qaıyrymdylyqtyń eń úlkeni – aıtpaı istegen jaqsylyq» degen qaǵıdatty ustanady.





















Basty sózder: Qaıyrymdylyq, BAQ, Qoǵam,
Joǵary qaraı