Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstan 2020 jylǵy ekonomıkalyq erkindik reıtınginde 39-oryndy ıelendi

2021 jyldyń 2 naýryz 2021 10:48

NUR-SULTAN. QazAqparat - Amerıkalyq zertteý ortalyǵynyń 2020 jylǵy ekonomıkalyq erkindik ındeksi boıynsha «Mura qory» (Heritage Foundation) elder reıtınginde Qazaqstan óz kórsetkishterin 20 pozıtsııaǵa jaqsartyp, 180 orynnyń ishinen 39-oryndy ıelendi (2019 jylǵy reıtıngte – 59-oryn).

Bul týraly QazAqparat QR Úkimetiniń resmı saıtyna silteme jasap habarlaıdy.

Heritage Foundation Qazaqstannyń 2020 jylǵy reıtıngtegi pozıtsııasyn jaqsartý turǵysynan alǵanda anaǵurlym mańyzdy oń serpini bar 10 eldiń birine aınalǵanyn atap ótti. Oń serpin fıskaldyq turaqtylyq, menshik quqyǵyn qorǵaý, memlekettik organdardyń tıimdiligi, memlekettik shyǵystardyń tıimdiligi, bıznestiń bostandyǵy, saýda erkindigi, sot júıesiniń tıimdiligi sekildi kórsetkishter boıynsha baıqaldy.

Turaqty dınamıka ınvestıtsııalar erkindigi, qarjy sektorynyń erkindigi sııaqty kórsetkishter boıynsha baıqaldy. Salystyrý úshin, 2020 jylǵy ekonomıkalyq erkindik ındeksi boıynsha elder reıtınginde Reseı Federatsııasy 94-oryndy, Ózbekstan Respýblıkasy 114-oryndy, Belarýs Respýblıkasy 88-oryndy, Qyrǵyz Respýblıkasy 81-oryndy ıelendi.

Ekonomıkalyq erkindik deńgeıi asa joǵary 5 eldiń qataryna Sıngapýr, Gonkong, Jańa Zelandııa, Avstralııa, Shveıtsarııa kirdi.




Basty sózder: Ekonomıka,
Joǵary qaraı