Aýa raıy
Astana -2 °S
Almaty -2 °S
valıýta baǵamy
USD 388.81
EUR 429.01
RUB 6.08
CNY 55.49

Qazaqstan bıznes júrgizý jeńildigi boıynsha 28-orynda - Asqar Mamın

2019 jyldyń 17 qyrkúıek 2019 09:51

NUR-SULTAN. QazAqparat - Qazaqstan bıznes júrgizý jeńildigi boıynsha álemniń 190 eli arasynda 28-orynda. Bul týraly búgin «DoingBusiness» reıtınginde Qazaqstannyń pozıtsııalaryn jaqsartý máseleleri talqylanǵan Úkimet otyrysynda Premer-Mınıstr Asqar Mamın aıtty, dep habarlaıdy QazAqparat tilshisi.

«Elbasy Nursultan Nazarbaev «Nur Otan» partııasy saıası keńesiniń keńeıtilgen otyrysynda jáne Prezıdent Qasym-Jomart Toqaev óz Joldaýynda bizdiń aldymyzǵa ekonomıkanyń turaqty damýyn qamtamasyz etý, ınvestıtsııalardy tartý, bıznes ahýaldy jaqsartý boıynsha naqty mindetter qoıdy. Úkimet osy baǵytta júıeli jumystar júrgizýde. Osy jyldyń sáýirinde Parlament kezekti 7-shi zańnamalyq túzetýlerdi qabyldady. Bul ózgertýlerde qurylys salasynda «bir tereze» qaǵıdatyn engizý, kelisimsharttardy oryndaý máselesin ońtaılandyrý, salyq salý aıasynda reformalardy iske asyrý sharalary bar. Kásipkerler arasynda túsindirý boıynsha úlken jumys atqaryldy», - dedi Úkimet basshysy.

Onyń atap ótýinshe, qazirgi kezde Qazaqstan bıznes júrgizý jeńildigi boıynsha álemniń 190 eli arasynda 28-orynda. Jalpy, bul reıtıng bıznesti júrgizý sharttaryn jeńildetýge baǵyttalǵan reformalardyń qanshalyqty tıimdi ekenin kórsetedi.

«Bul, árıne, eldiń ınvestıtsııalyq tartymdylyǵyna yqpal etedi jáne ınvestorlar úshin jańa jobalar men óndiristerdi qurýǵa qatysty múmkindikterdi berý quraly bolyp sanalady», - dedi ol.

Premer-Mınıstr Dúnıejúzilik banktiń elimizdiń qalalary men óńirlerde bıznes júrgizý jeńildigi reıtınginiń qorytyndysy boıynsha Almaty qalasy men Mańǵystaý jáne Aqtóbe oblystary ákimdikteri tıimdi jumys jasaǵanyn atap ótti.

«Endi osy reformalardy óńirlerde sapaly jáne ýaqytyly iske asyrýdyń mańyzy óte zor. Árbir ákim olardyń iske asý nátıjesine jaýapty bolady. Osy rette mundaı mańyzdy tájirıbeni basqa da halyqaralyq reıtıngterde qoldaný qajet», - dedi Asqar Mamın.


Avtor Marlan Jıembaı
Basty sózder: Ekonomıka, QR Úkimeti,
Joǵary qaraı