Aýa raıy
Astana -25 °S
Almaty 0 °S
valıýta baǵamy
USD 421.58
EUR 496.83
RUB 5.53
CNY 62.20

«Qazaqstan Bolon protsesinde jáne Eýroodaq jobalarynda» halyqaralyq onlaın forýmy bastaldy

2020 jyldyń 20 qazan 2020 17:49

NUR-SULTAN. QazAqparat – «Óńirlik deńgeıdegi jahandyq Qazaqstan Bolon protsesinde jáne Eýroodaq jobalarynda» halyqaralyq onlaın forýmy bastaldy. Oǵan AQSh, Túrkııa, Latvııa, Polsha, Bolgarııa, Ýkraına, Ońtústik Koreıa elderindegi joǵary bilim berý salalarynyń sarapshylary qatysýda, dep habarlaıdy QazAqparat tilshisi.

«Forýmnyń basty maqsaty – Qazaqstannyń Bolon protsesine 10 jyl qatysýy jáne EO Tempýs jáne Erazmýs + baǵdarlamalaryna 25 jyl qatysýynyń qorytyndysyn shyǵarý. Sondaı-aq, Qazaqstandaǵy jáne Orta Azııa aımaǵynda joǵary bilimdi ári qaraı damytý joldaryn anyqtaý», - deıdi QR Bilim jáne ǵylym mınıstri Ashat Aımaǵambetov.

Onyń aıtýynsha, forýmǵa bilim berý salasyndaǵy halyqaralyq sarapshylardyń óte bedeldi komandasy jınalǵan.

«Eki kún boıy jaqsy baıandamalar jasalatyn bolady. Forýmǵa AQSh, Túrkııa, Latvııa, Polsha, Bolgarııa, Ýkraına, Ońtústik Koreıa elderindegi joǵary bilim berý salalarynyń sarapshylary qatysýda. Bul forým Ortalyq Azııa elderiniń bilim berý júıeleriniń ıntegratsııasyna, Bolon protsesiniń qaǵıdattaryn óńirde engizýge jáne bizdiń elimizdegi joǵarǵy bilim berý sapasyn odan ári arttyrýǵa yqpal etedi dep senemin. Barshalaryńyzǵa jemisti eńbek tileımin», - deıdi ol.

Іs-sharaǵa akademııalyq elıta ókilderi, ýnıversıtetter men álemge áıgili qaýymdastyqtardyń, memlekettik organdar men qoǵamdyq uıymdardyń basshylary, eýropalyq sarapshylar, onyń ishinde Eýropalyq Komıssııanyń, Eýropalyq Keńestiń, Bolon protsesi hatshylyǵynyń (BFUG) ókilderi qatysady.

Forýmda Bolon protsesiniń prıntsıpterin taratý, jańa mindetter turǵysynan joǵary bilim berýdi damytýdyń jańa tendentsııalary, ýnıversıtetterdiń avtonomııasyn keńeıtý, ınnovatsııalyq jáne tsıfrlyq ekojúıeni qalyptastyrý, sondaı-aq Ortalyq Azııa bilim berý habyn qalyptastyrý máselelerin talqylaý josparlanýda.


Joǵary qaraı