Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstan BUU Adam quqyqtary jónindegi keńesine saılandy

2021 jyldyń 15 qazan 2021 09:10

NUR-SULTAN. QazAqparat - BUU Bas Assambleıasynyń 76-shy sessııasy barysynda Qazaqstan Respýblıkasy 2022–2024 jyldarǵa BUU Adam quqyqtary jónindegi keńesiniń múshesi bolyp saılandy, dep habarlaıdy QazAqparat QR Syrtqy ister mınıstrliginiń baspasóz qyzmetine silteme jasap.

Qazaqstan Keńestegi jumysynyń basym baǵyttary genderlik teńdikti ilgeriletý jáne áıelderdiń quqyqtary men múmkindikterin keńeıtý, ólim jazasyn jappaı joıý, tózbeýshiliktiń barlyq nysandaryna qarsy kúres, din men senim bostandyǵy, ınklıýzıvti jáne jalpyǵa birdeı bilim berýdi qamtamasyz etý, sondaı-aq COVID-19 pandemııasy jaǵdaıynda adam quqyqtaryn qurmetteý bolady.

Elimizdiń dúnıejúzilik uıymnyń bas quqyq qorǵaý organyna saılanýy onyń Adam quqyqtary men bostandyqtaryn qorǵaý salasyndaǵy halyqaralyq normalar men standarttardy ilgeriletý protsesine belsendi jáne jaýapty qatysýshy retindegi rólin moıyndaý bolyp tabylady.

Qazaqstanmen birge BUU Adam quqyqtary jónindegi keńesiniń quramyna AQSh, Lıýksembýrg, Fınlıandııa, Lıtva, Chernogorııa, Argentına, Gondýras, Paragvaı, Benın, Kamerýn, Erıtreıa, Gambııa, Somalı, Úndistan, Malaızııa, Qatar jáne Birikken Arab Ámirlikteri kirdi.

Buǵan deıin elimiz Adam quqyqtary jónindegi keńeske 2013–2015 jyldary saılanǵan bolatyn.

Adam quqyqtary jónindegi keńes – BUU júıesiniń úkimetaralyq organy, onyń quramyna álemdegi adam quqyqtaryn kótermeleýge jáne qorǵaýǵa jaýapty 47 memleket kiredi. Keńes quzyretine onyń nazaryn talap etetin adam quqyqtary salasyndaǵy barlyq taqyryptyq máseleler men jaǵdaılardy talqylaý kiredi. Keńes músheleri bes óńirlik toptan saılanady jáne óz mindetterin úsh jyl boıy atqarady. Adam quqyqtary jónindegi keńestiń otyrystary BUU-nyń Jenevadaǵy bólimshesinde ótedi.








Joǵary qaraı