Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Qazaqstan damýyndaǵy jańa kezeńge aıaq basty-qoǵam qaıratkeri

2022 jyldyń 13 qańtar 2022 07:30

KÓKShETAÝ. QazAqparat - Jaǵdaıdyń ýshyǵýyna, eldiń tutastyǵy men halyq birliginiń buzylýyna jol berýge bolmaıdy. Aqmola oblysyndaǵy «Kazakhstan Innovations» qoǵamdyq birlestiginiń tóraıymy Márııam Ábisheva osylaı aıtty, dep habarlaıdy QazAqparat tilshisi.

«Memleket basshysy aldymyzǵa birqatar mańyzdy mindetter qoıyp otyr. Barlyq jaǵdaıdy taldaı otyryp, elimizdiń damýynda jańa kezeń bastaldy dep aıtýǵa bolady. Jańa Úkimet – bul Qazaqstanda jańa 2022 jyldyń basynda oryn alǵan jaǵdaıǵa der kezinde jasalǵan áreket. Jaǵdaıdyń ýshyǵýyna, eldiń tutastyǵy men halyq birliginiń buzylýyna jol berýge bolmaıdy», - dep atap ótti Márııam Ábisheva.

Qoǵam qaıratkeriniń aıtýynsha, Memleket basshysy bergen tapsyrmalardyń ishinde shaǵyn jáne orta bıznesti qoldaýǵa erekshe kóńil bólinip otyrǵany mańyzdy.

«El Prezıdenti barlyq negizgi baǵyttar boıynsha túbegeıli sharalardy júzege asyrýǵa tolyq sheshim qabyldaǵanyn kórsetti. Eldiń ekonomıkalyq saıasaty barlyq qazaqstandyqtardyń ál-aýqatyn arttyrýǵa baǵyttalýy tıis jáne osy maqsat úshin shaǵyn jáne orta bıznesti damytý paıdasyna Qazaqstannyń Damý bankiniń jumysyn qaıta qaraý usynyldy. Sonymen qatar, Memleket basshysy iri bıznesti áleýmettik jaýapkershilik tanytýǵa shaqyryp, «Qazaqstan halqyna» áleýmettik qor ashýǵa bastamashy boldy. Mundaı aýqymdy mindetterdi iske asyrý shyn máninde búkil qoǵamdy toptastyrýdy talap etedi. Ol úshin biz bárimiz, árqaısymyz óz qundylyqtarymyzdy qaıta qarap, konstıtýtsııalyq qurylysty, halyqtyń birligi men ál – aýqatyn saqtaý úshin kúsh - jigerimizdi jumsaýymyz kerek», - dep túıindedi Márııam Ábisheva.




Perevod Aslan Ospanov
Basty sózder: Qoǵam, Aqmola oblysy,
Joǵary qaraı