Aýa raıy
Astana -25 °S
Almaty 0 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstan ekonomıkasy jol apaty saldarynan 9 mlrd dollar zardap shegedi

2020 jyldyń 29 qazan 2020 19:10

NUR-SULTAN. QazAqparat - Qazaqstan ekonomıkasy jol apaty saldarynan 9 mlrd dollarǵa para-par zardap shegedi. Bul týraly QR Indýstrııa jáne ınfraqurylymdyq damý mınıstrliginiń Avtomobıl joldary komıtetine qarasty «Jol aktıvteri ulttyq sapa ortalyǵy» RMK bas dırektory Zamır Saǵynov aıtty, dep habarlaıdy QazAqparat tilshisi.

«2013 jyly jol-kólik oqıǵasy saldarynan elimizdiń ekonomıkasy 9 mıllıard AQSh dollaryna para-par zardap shegipti. Bul - Azııa damý bankiniń málimeti. Al adam shyǵynyna keletin bolsaq, Dúnıejúzilik densaýlyq saqtaý uıymynyń málimetine sáıkes, Qazaqstan 175 eldiń ishinde jol-kólik oqıǵalarynda 100 myń turǵynǵa shaqqanda, qaıtys bolý kórsetkishi boıynsha 17,6 ólim reıtıngimen 74-inshi orynda tur», - dedi ol Ortalyq kommýnıkatsııalar qyzmetindegi baspasóz máslıhaty barysynda.

Onyń dereginshe, bul kórsetkish Reseıde 18, Ózbekstanda 11,5, al Belarýste 8,9-dy quraıdy.

Al qaýipsiz elder reıtıngin 5,5 adammen Eýropalyq odaq bastasa, meılinshe nashar kórsetkishter Afrıka men Latyn Amerıka elderinde tirkelgen. Olarda 100 myń turǵynǵa shaqqanda shamamen 35 ólimnen keledi.

«Degenmen, 2019 jyldyń qorytyndysy boıynsha elimizde jol-kólik oqıǵalarynda 100 myń turǵynǵa shaqqanda qaıtys bolý kórsetkishi 10,4 ólimdi qurady. ıAǵnı, Dúnıejúzilik densaýlyq saqtaý uıymynyń esebinde jarııalanǵan 2016 jylǵy kórsetkishpen salystyrǵanda 7,2-ge qysqarǵan. Deı turǵanmen, bul kórsetkish áli de bolsa joǵary. Sondyqtan jol qaýipsizdigi jaǵdaıyn jaqsartý baǵytynda jumystardy jalǵastyra berý kerek dep sanaımyn», - dedi Zamır Saǵynov.

Avtor Marlan Jıembaı
Basty sózder: Ekonomıka, Oqıǵa, Kólik, Jol,
Joǵary qaraı