Aýa raıy
Astana -2 °S
Almaty 3 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstan eksporttaǵan taýarlar baǵasy jeti aıda 18,5% tómendedi

2020 jyldyń 15 qyrkúıek 2020 02:20

NUR-SULTAN. QazAqparat – Bıylǵy jeti aıda Qazaqstannan eksporttalǵan taýarlardyń baǵasy 18,5% tómen boldy. Importtyq taýarlar kerisinshe, 1,5% qymbat keldi, dep habarlaıdy QazAqparat tilshisi.

QR Ulttyq ekonomıka mınıstrligi Statıstıka komıtetinen málim etkendeı, atalǵan kezeńde eksporttyq jetkizilimder baǵasy munaıǵa – 30,7%, myryshqa – 10,3%, qorǵasynǵa – 9,2%, qara metall ılegine 8,7% tómendedi.

Al temir kenderine – 26,8%, ferroqorytpalarǵa – 12,9%, mysqa 5,8% joǵarylady. Sondaı-aq baǵa bıdaıǵa – 17,3%, arpaǵa 9% kóterilgen.

Importtalatyn ónimderden temeki – 36,1%, kúrish – 19,9%, balyq – 13,1%, ósimdik maıy – 11,2%, kakao – 10,5%, qus eti – 10,2%, margarın 4,5% qymbattady. Sondaı-aq farmatsevtıkalyq ónimderge – 7,6%, aıaq kıimge – 5,2%, mashınalar, jabdyqtar jáne kólik quraldaryna 1,8% kóterildi.

Jemister men jańǵaqtar – 21,4%, qant – 10,4%, kókónister – 8%, shujyq ónimderi 5,6% arzandady. Sonymen qatar súrekke – 3,1%, qurylys materıaldaryna 0,9% tómendedi.


Joǵary qaraı