Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Qazaqstan eksporttaýshylaryna logıstıkanyń balamaly joldary usynyldy

2022 jyldyń 11 naýryz 2022 13:40

NUR-SULTAN. QazAqparat - Ýkraınanyń aınalasyndaǵy jaǵdaıǵa jáne soǵan baılanysty logıstıkalyq qıyndyqtardyń týyndaýyna qatysty qazaqstandyq eksporttaýshylarǵa júkterin elimizdiń teńiz porttary arqyly jáne odan ári Transkaspıı halyqaralyq kólik baǵytymen jóneltý múmkindigin paıdalaný usynyldy, dep habarlaıdy QazAqparat.

«Júrgizilgen kelissózderdiń qorytyndysynda «Arselor Mıttal Temirtaý» AQ 50 myń tonnaǵa jýyq metall ónimin Aqtaý portyna qaıta baǵdarlap, ári qaraı Ázerbaıjan men Grýzııa arqyly jóneltýge daıyn ekenin bildirdi.

Qazaqstan teńiz porttarynyń jalpy ótkizý qabileti jylyna 23,7 mln tonnany quraıdy», - dedi mınıstrlikten.

Atap aıtqanda:

– Aqtaý porty – 14,7 mln tonna (munaı – 9,5 mln, qurǵaq júkter - 2,5 mln, astyq – 0,7 mln, paromdyq júkter - 2 mln tonna);

- Quryq porty - 6 mln tonna (temirjol termınaly - 4 mln, avtotermınal – 2 mln);

- Aqtaý soltústik teńiz termınaly - 3 mln tonna (qurǵaq júkter men astyq 1,5 mln tonnadan) júk ótkize alady.

Sonymen qatar qazirgi ýaqytta elimizdiń teńiz porttaryna 18 mln tonnaǵa deıin júkti qaıta baǵdarlaýǵa bolady.

Qazaqstan porttarynda, sondaı-aq bir ýaqytta júkterdiń belgili bir kólemin saqtaýǵa bolady. Onyń ishinde:

- Aqtaý porty - 2,5 myń konteıner, 25 myń tonna astyq, 220 myń bas júk;

- Quryq porty - 250 júk kóligin;

- Aqtaý soltústik teńiz termınaly - 6 myń konteıner, 60 myń tonna astyq, 170 myń tonna basty júkti (oramada tasymaldanatyn jeke júkter men taýarlar) saqtaı alady.

Qosymsha aqparat alý úshin «jedel jeli» telefondaryna habarlasýǵa bolady:

Aqtaý porty

Kommertsııalyq jumys bólimi: +7 (7292) 44 51 27, +7 775 362 72 73

Marketıng jáne satý bólimi: +7 (7292) 44 51 51.

Quryq porty

Marketıng jáne satý bólimi: +7 705 169 04 44, +7 776 025 77 77, +7 707 199 77 77

Aqtaý soltústik teńiz termınaly

Ekspedıtsııalaý qyzmeti: +7 (7292) 20 38 78 (1024)

Kólik-ekspedıtorlyq qyzmeti: +7 (7292) 20 38 78 (1028)

Marketıng bólimi: +7 (7292) 20 38 78 (1042).


Joǵary qaraı