Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Qazaqstan Elshisi Bangladesh Prezıdentine senim gramotalaryn tapsyrdy

2022 jyldyń 25 naýryz 2022 17:39

DAKKA. QazAqparat – Qazaqstannyń Úndistandaǵy jáne Bangladesh Halyq Respýblıkasyndaǵy Elshisi qyzmetin qosa atqarýshy Nurlan Jalǵasbaev Bangladesh Prezıdenti Abdýl Hamıdke senim gramotalaryn tapsyrdy. Bul týraly QR Syrtqy ister mınıstrliginen málim etti, dep habarlaıdy QazAqparat.

«Bangabhaban» prezıdenttik saraıynda ótken suhbat barysynda N.Jalǵasbaev Bangladesh basshysy men halqyna Prezıdent Qasym-Jomart Toqaevtyń izgi tilekterin jetkizdi.

Sonymen qatar, Elshi BHR Prezıdentin Memleket basshysynyń Joldaýynyń negizgi qaǵıdalarymen tanystyryp ótti.

Taraptar Azııadaǵy ózara is-qımyl jáne senim sharalary jónindegi keńes (AÓSShK) jáne Islam yntymaqtastyq uıymy (IYU) sheńberindegi ózara yqpaldastyqty qosa alǵanda, ekijaqty jáne kópjaqty formattaǵy yntymaqtastyqtyń ahýaly men perspektıvalary týraly pikir almasty. A.Hamıd Qazaqstan syrtqy saıasatynyń basymdyqtary jáne elimizde júrgizilip jatqan ishki saıası jáne ekonomıkalyq ózgeristermen habardar boldy.

Áńgimelesý qorytyndylary boıynsha Nur-Sultan men Dakkanyń eki el arasyndaǵy ózara tıimdi yntymaqtastyqty odan ári nyǵaıtýǵa daıyn ekendigi atalyp ótti.








Joǵary qaraı