Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

«Qazaqstan halqyna» qory arqyly qarjy jınaý salyq salýdyń bir túri me - Jámishev túsindirdi

2022 jyldyń 22 qańtar 2022 12:44

NUR-SULTAN. QazAqparat – «Qazaqstan halqyna» qorynyń basqarma tóraǵasy Bolat Jámishev jańadan qurylǵan qaıyrymdylyq uıymynyń qyzmetin synap, kúmánmen qaraýshylarǵa jaýap berdi, dep habarlaıdy QazAqparat tilshisi.

«Qor jumysyna qatysty «bızneske qosymsha salyq salýdyń bir túri» degen qaýeset tarap jatyr. Osyǵan oraı aıtarym, bul - salyq emes, ár adam men mekemeniń óz erkimen jasalatyn qaıyrymdylyq sharasy. Búginde bizdiń qorǵa iri bıznes ókilderi men iri kásiporyndardan qarjy túsip jatyr», - dedi Bolat Jámishev OKQ-de onlaın ótken baspasóz máslıhatynda.

Qor basshysynyń aıtýynsha, salyq pen qaıyrymdylyq jasaýdy shatastyrmaý qajet.

«Qazirgi ýaqytta kóptegen bıznes ókilderi túrli qaıyrymdylyqpen aınalysyp jatyr. Olar qaıyrymdylyq sharasyn odan ári jalǵastyrady degen oıdamyn. Bizdiń qordyń jumysyna júktelip otyrǵan júk jaýapty. Jáne qorǵa jeke qarajatyn bólgen azamattarǵa onyń qaıda, qalaı jumsalyp jatqanyn bilý de mańyzdy bolsa kerek. Túsken qarajatty tıisti baǵytqa jumsaý, qor jumysyn ońtaılandyra túsetini ras. Biz osy tusta qor demeýshileriniń keńesin qurýdy josparlap otyrmyz. Atalǵan keńeste qordyń jumys strategııasy ázirlenetin bolady», - deıdi ol.


Joǵary qaraı