Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

«Qazaqstan halqyna» qoryna qarjy aýdarǵanda nelikten komıssııa ustalady – agenttik jaýaby

2022 jyldyń 20 qańtar 2022 18:45

NUR-SULTAN. QazAqparat – QR Qarjy naryǵyn retteý jáne damytý agenttigi «Qazaqstan halqyna» áleýmettik qoryna qarjy aýdarýda ustalatyn komıssııa týraly pikir bildirdi, dep habarlaıdy QazAqparat.

Ortalyq kommýnıkatsııalar qyzmetinde ótken baspasóz máslıhatynda tilshiler «Qazaqstan halqyna» áleýmettik qoryna qarjy aýdarýda bankter nelikten komıssııa ustap qalatynyn surady.

«Biz bul másele jóninde estidik, ol baspasózde kóterildi. Suraq durys qoıylyp otyr. Qazirgi ýaqytta bul máseleni qarastyrý úshin tıisti jumystardy júrgizetin bolamyz. Másele áli ashyq qalyp otyr, komıssııalardy keri qaıtarý sharalary áli qabyldanǵan joq», - dep jaýap berdi Qarjylyq qyzmetterdi tutynýshylardyń quqyqtaryn qorǵaý departamentiniń dırektory A. Terentev.

Eske sala ketsek, Memleket basshysy Qasym-Jomart Toqaev Májilis otyrysynda «Qazaqstan halqyna» qoǵamdyq áleýmettik qory qurylatynyn, onda qaı sanatqa kómek kórsetiletinin aıtqan edi.

Qordyń Qamqorshylyq keńesi «Qazaqstan halqyna» qoǵamdyq álýmettik qorynyń tóraǵasy qyzmetine Bolat Jámishevtiń kandıdatýrasyn usyndy jáne biraýyzdan qoldady.



Joǵary qaraı