Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

«Qazaqstan halqyna» qoryna kimder mindetti aýdarym jasaıdy

2022 jyldyń 12 qańtar 2022 10:03

NUR-SULTAN. QazAqparat - «Qazaqstan halqyna» qoryn júzege asyrý tetikterin pysyqtaý úshin Úkimet janynan jumys toby qurylmaq. Bul týraly búgin Úkimet otyrysynda QR Densaýlyq saqtaý mınıstri Ajar Ǵınııat aıtty, dep habarlaıdy QazAqparat tilshisi.

«Memleket basshysynyń «Qazaqstan halqyna» qoǵamdyq áleýmettik qoryn qurý jónindegi tapsyrmasy boıynsha: qoldanystaǵy zańnamaǵa sáıkes qoǵamdyq qor dep jeke tulǵalar nemese zańdy tulǵalar - qoǵamdyq birlestikter qurǵan qor túsiniledi. Qor qyzmetiniń salasy áleýmettik jáne mádenı qyzmettiń ártúrli aspektilerin (densaýlyq saqtaý, bilim berý, sport, mádenıet, áleýmettik ınfraqurylym, bolǵan joıqyn – qıratý saldaryn qalpyna keltirý jáne qaza tapqan áskerı qyzmetshilerdiń otbasyn qoldaýy) qamtıtyn bolady. Qordy qarjylandyrý jeke jáne memlekettik kózderden júzege asyrylady. Halyqaralyq qaıyrymdylyq uıymdarynyń kómegin, lotereıa qyzmeti operatorynyń, stavkalardy esepke alý ortalyǵynyń jáne basqa monopolısterdiń mindetti aýdarymdaryn qorǵa turaqty tartý josparlanýda. Osyǵan baılanysty qordyń quryltaıshysy retinde áreket etetin qoǵamdyq birlestikti aıqyndaý, sondaı-aq iske asyrý tetikterin ázirleý úshin azamattyq qoǵam ókilderiniń qatysýymen Úkimet janynan jumys tobyn qurý usynylady», - dedi mınıstr.

Onyń atap ótýinshe, Densaýlyq saqtaý mınıstrligi «Qazaqstan halqyna» qoǵamdyq áleýmettik qorynyń qarajatynan orfandyq aýrýlary bar balalardy emdeýge arnalǵan boljamdy shyǵyndardyń esebi men dárilik zattardyń tizbesi boıynsha usynystar engizedi.

«Balalardyń densaýlyǵyn saqtaý salasynda sırek (orfandyq) jáne aýyr aýrýlary bar balalardy dári-dármekpen qamtamasyz etý neǵurlym ózekti bolyp tabylady. Álemdegi eshbir el óte joǵary shyǵyndardy eskere otyryp, barlyq orfandyq aýrýlardy tolyq qarjylandyrmaıdy. Sondyqtan da, Qordy qurý orfandyq aýrýlarmen aýyratyn naýqastar úshin qymbat turatyn medıtsınalyq qyzmetter men dárilik zattardyń qoljetimdiligin arttyrýǵa múmkindik beredi. Jumys jalǵasýda», - dedi Ajar Ǵınııat.


Joǵary qaraı