Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

«Qazaqstan halqyna» qoryndaǵy ár teńgeniń qaıda jumsalǵanyn el kórip otyrady - Bolat Jámishev

2022 jyldyń 19 qańtar 2022 11:38

NUR-SULTAN. QazAqparat - «Qazaqstan halqyna» qorynyń óz saıty bolady. Saıtta jınalǵan jáne jumsalǵan qarjyǵa qatysty derekter ashyq kórsiteledi. Bul týraly qor tóraǵasy Bolat Jámishev málim etti, dep habarlaıdy QazAqparat tilshisi.

«Qordyń qamqorshylyq keńesine qatysty da kóp suraq týyndap jatyr. Keńes múshelerin kim saılady, nege halyq talqysyna salmady degen sekildi. Qor Memleket basshysynyń bastamasymen quryldy. Árıne, qorǵa qarjy aýdarǵan qoǵamdyq uıym nemese jeke tulǵa onyń qaıda jumsalyp jatqanyn bilýge quqyly. Jınalǵan qarajattyń tıimdi jumsalýyna qatysy Úkimetke de áleýmettik jaýapkershilik júgi artylady. Sondyqtan keńes múshelerin Úkimet bekitip, bizge usyndy. Óz basyma kelsem, qor tóraǵasy retinde qamqorshylyq keńes quramynda men de barmyn. Maǵan qor jumysyn uıymdastyrý, júrgizý mindeti jútkelgen», - dedi Bolat Jámishev «Habar 24» arnasynyń «Oshakbaev LIVE» baǵdarlamasynyń efırinde.

Onyń aıtýynsha, qoǵamdyq jumys halyq úshin ashyq túrde júzege asýy tıis.

«Óz saıtymyzdy ázirleımiz. Qorǵa túsken ár teńge jáne onyń qaıda jumsalǵany týraly esep beriledi. Ol esep saıtqa jarııalanady. Qazir osy jumysty uıymdastyrýmen aınalysyp jatyrmyz», - deıdi ol.

Buǵan deıin «Qazaqstan halqyna» qorynyń quryltaıshylaryna qatysty málimet berildi.


Joǵary qaraı