Aýa raıy
Astana 31 °S
Almaty 34 °S
valıýta baǵamy
USD 412.55
EUR 468.66
RUB 5.79
CNY 58.80

Qazaqstan halqynyń 99,3% jyl sońyna deıin ınternetpen qamtylady – mınıstrlik

2020 jyldyń 8 shilde 2020 11:21

NUR-SULTAN. QazAqparat – 2020 jyldyń sońyna deıin Qazaqstan halqynyń 99,3% keń jolaqty ınternetti paıdalanatyn bolady. Bul týraly QR Tsıfrlyq damý, ınnovatsııalar jáne aeroǵarysh ónerkásibi mınıstrliginen málim etti, dep habarlaıdy QazAqparat.

Aqparatqa sáıkes, bıylǵy jyl basynan beri 649 shalǵaı aýylǵa talshyqty-optıkalyq baılanys jelileri tartylyp, keń jolaqty ınternet qosyldy. Al 2020 jyldyń sońyna deıin baılanys operatorlary barlyǵy 1250-den astam aýyldy sapaly ınternetpen qamtamasyz etetin bolady.

«Ol úshin 20 myń shaqyrym talshyqty-optıkalyq baılanys jelisi tartylýda. Memlekettik-jekeshelik áriptestik aıasynda júzege asyrylyp jatqan joba 2018 jyly bastaldy. Onyń basty maqsaty – 3700-den astam memlekettik organ men bıýdjettik uıymdardy, onyń ishinde mektep, aýrýhana, ákimdik jáne taǵy basqasyn keń jolaqty ınternetke qosý. Sonymen qatar, joba júzege asyryla bastaǵaly beri shalǵaıdaǵy 962 aýyl jyldamdyǵy joǵary ınternetpen qamtyldy», - dedi vedomstvodan.




QR Tsıfrlyq damý mınıstrligi Telekommýnıkatsııa komıtetiniń tóraǵasy Vıtalıı ıAroshenkonyń aıtýynsha, bul joba basqa da jobalardy júzege asyrýǵa múmkindik týǵyzbaq.

«Shalǵaıdaǵy aýyldarǵa jyldamdyǵy joǵary ınternetti tartý úshin ınfraqurylym qajet. Qazir baılanys operatorlary tıisti ınfraqurylym - «Optıka» jelisin tartyp jatyr. Bul, mobıldik operatorlarǵa osy «optotalshyqqa» qosylýǵa jáne sapaly ınternetpen qamtýǵa múmkindik beredi. Osylaısha, 3G/4G mobıldi tehnologııasy nemese symsyz baılanysý tehnologııasy boıynsha bir aýyl ǵana emes, jaqyn mańdaǵy aýyldar da keń jolaqty ınternetke qosylady», - dep atap ótti V.ıAroshenko.

Mınıstrlik Qazaqstanda ınternet jelisin odan ári damytýǵa baǵyttalǵan taǵy bir joba iske asyrylyp jatqanyn eske saldy.

«Onyń aıasynda, 2020 jyldyń sońyna deıin uıaly baılanys operatorlary 3G/4G mobıldik jáne FWA - FixedWireless Access symsyz baılanysý tehnologııalaryn qoldana otyryp, turǵyn sany 250-den kóp aýyldardyń bárin keń jolaqty ınternetke qosady. Mınıstrlik uıaly baılanys operatorlarymen birge yntymaqtastyq týraly tıisti memorandýmǵa qol qoıdy.

Osylaısha, osy jyldyń sońyna qaraı el halqynyń 99,3% keń jolaqty ınternetti paıdalanatyn bolady», - dedi vedomstvodan.


Joǵary qaraı