Aýa raıy
Astana -27 °S
Almaty -2 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstan halyq partııasy Saılaýaldy baǵdarlamasynyń jobasyn tanystyrdy

2020 jyldyń 23 qarasha 2020 13:43

NUR-SULTAN. QazAqparat –Májilis depýtaty Irına Smırnova Qazaqstan halyq partııasynyń Saılaýaldy baǵdarlamasynyń jobasyn tanystyrdy, dep habarlaıdy QazAqparat tilshisi.

«Biz, Qazaqstan halyq partııasy qarapaıym adamdardyń quqyqtary men zańdy múddelerin qorǵaý isin jalǵastyrý úshin Parlamentke baramyz. Birinshiden, bilim men medıtsınanyń qoljetimgi men sapasy eskerilip otyr. Bilim alý qoljetimdi bolýy tıis. Ol úshin tegin bilim alýǵa kóshý kerek», - dedi I. Smırnova partııanyń kezekten tys XVI sezi barysynda.





Sonymen qatar ol medıtsına salasyna shyǵystardy ulǵaıtý máselesin kóterdi.

«Ekinshiden, halyqtyń baspana máselesin sheshýge ekpin qoıylady. Biz qazaqstandyqtar úshin jer telimi máselesin túbegeıli sheshemiz. Ár otbasy baspana jáne úı sharýashylyǵy nysanyn salý úshin 20 sotyq jer alady. Memleket bul ýchaskelerge qajetti ınfraqurylymdy tartady», - dedi depýtat.

Saılaýaldy baǵdarlamadaǵy úshinshi bastama zeınet jasyna jetkenderge jaǵdaı jasaýǵa arnalǵan. Osy oraıda zeınet jasyn 60 jasqa deıin tómendetý eskerilgen.

Tórtinshi bastamada jer resýrstaryna memlekettik menshikti qorǵaý qamtylǵan.

Besinshiden, aýyl sharýashylyǵy ekonomıkanyń draıveri bolyp, eldiń azyq-túlik qaýipsizdigin qamtamasyz etedi.

Altynshydan, bankterdiń esebinen jeke ári zańdy tulǵalar úshin nesıelik raqymshylyq júrgizý qadamy qarastyrylǵan.

Sonymen qatar jetinshi bastamada salyq saıasatyna arnalǵan.

Segizinshiden, memlekettik sheshimderdi júzege asyrýdyń tıimdiligin baqylaý bastamasy qamtylǵan.

Munymen qosa, toǵyzynshy bastamada sot júıesine qatysty usynystar eskerilgen.

Onynshy bastamada halyqtyń rýhanı murasyna nazar aýdarylyp otyr.

Aıta keteıik, búgin Qazaqstan halyq partııasynyń kezekten tys XVI sezi barysynda QR Parlamenti Májilisine depýtattyqqa kandıdattardyń partııalyq tizimi bekitildi.

Budan buryn habarlanǵandaı, bıyl qarasha aıynda Qazaqstan kommýnıstik halyq partııasynyń ataýy ózgerip, rebrendıng jasaldy. Endi Qazaqstan halyq partııasy dep atalatyn boldy.

Budan buryn Qazaqstan kommýnıstik halyq partııasy aldaǵy Májilis jáne máslıhat depýtattaryn saılaýǵa daıyn ekendigin jarııalaǵan edi.



Joǵary qaraı