Aýa raıy
Astana 9 °S
Almaty 10 °S
valıýta baǵamy
USD 412.55
EUR 468.66
RUB 5.79
CNY 58.80

Qazaqstan Halyqaralyq seısmıkaǵa tózimdi qurylys qaýymdastyǵyna múshe boldy

2020 jyldyń 4 tamyz 2020 16:37

NUR-SULTAN. QazAqparat - Qazaqstan Halyqaralyq seısmıkaǵa tózimdi qurylystyń halyqaralyq qaýymdastyǵyna (IAEE) múshe boldy, dep habarlaıdy QazAqparat.

«Qazaqstannyń IAEE quramyna enýi seısmıkalyq qaýipsizdik salasyndaǵy ozyq ázirlemeler men tehnologııalarǵa qol jetkizýin qamtamasyz etedi. IAEE quramyna kirý týraly ótinimdi Qurylys jáne sáýlet ǵylymı - zertteý jáne jobalaý ınstıtýtynyń («QazQSǴZI» AQ) bazasynda qurylǵan «Qazaqstan Respýblıkasy seısmıkaǵa tózimdi qurylys qaýymdastyǵy» berdi. IAEE talaptaryna sáıkes, múshelikke engizý jónindegi ótinish 6 aı ishinde qaraldy, sodan keıin IAEE atqarý komıtetiniń otyrysynda Qazaqstanǵa ulttyq delegat mártebesi berildi», - delingen QR IIDM málimetinde.

Aıta keteıik, IAEE múshesi bolý qazaqstandyq mamandarǵa seısmıkalyq qaýipsizdikti qamtamasyz etýde halyqaralyq tájirıbe almasýǵa, jańa qurylys tehnologııalaryn zerteýge jáne qoldanýǵa, jas mamandardy birlesip oqytýǵa, birlesken zattaı synaýlar uıymdastyrýǵa múmkindik beredi. Jalpy onyń quramyna 59 memleket enip otyr.

Halyqaralyq seısmıkaǵa tózimdi qurylys qaýymdastyǵy (IAEE) - bul kommertsııalyq emes uıym, onyń ishinde seısmıkalyq tózimdi qurylys boıynsha álemniń ulttyq qoǵamdarynyń ókilderi bar.

Uıym 1963 jyldyń aqpan aıynda Tokıoda qurylǵan.


Joǵary qaraı