Qazaqstan hokkeıden álem chempıonatyn ótkizýge bergen ótinimin qaıtaryp aldy

NUR-SULTAN. QazAqparat - Qazaqstan 2026 jylǵy álem chempıonatyn ótkizýge bergen ótinimin qaıtaryp aldy. Endi týrnırdi ótkizýge jalǵyz úmitker el – Shveıtsarııa, dep habarlaıdy QazAqparat Shaiba.kz saıtyna silteme jasap.

Tamperde ótip jatqan Halyqaralyq shaıbaly hokkeı federatsııasynyń (IIHF) kongresi Shveıtsarııanyń úmitker retinde tanystyrylymyn kórdi. Ótinim maquldansa, týrnır matchtary Tsıýrıh pen Frıbýrg qalalarynda ótedi.

Shveıtsarııa 2020 jylǵy álem chempıonatyn ótkiýi tıis edi, biraq týrnır koronavırýs pandemııasyna baılanysty ótkizilmedi.

2023 jylǵy chempıonat Fınlıandııa men Latvııada ótýi ábden múmkin. 2024 jyly týrnırdi Chehııanyń Praga men Ostrava qalalary ótkizse, 2025 jylǵy uıymdastyrýshylar – Shvetsııa men Danııa bolmaq.