Aýa raıy
Astana 11 °S
Almaty 15 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstan qalalarynda erteńnen bastap karantın sharalary kúsheıtiledi

2020 jyldyń 2 tamyz 2020 08:31

NUR-SULTAN. QazAqparat - Qazaqstan qalalarynda 3 tamyzdan bastap karantın sharalary qaıta kúsheıtiledi, dep habarlaıdy QazAqparat tilshisi.

Qostanaı oblysynyń memlekettik bas sanıtar dárigeriniń orynbasary ıÝ. Sevostıanov óńirde qatań shekteý sharalaryn engizý týraly qaýlyǵa qol qoıdy.

3 tamyzdan bastap taǵy da da saıabaqtarǵa, alańdar men skverlerge, jaǵalaýlarǵa, qoǵamdyq jáne uıymdastyrylmaǵan jaǵajaılarǵa, halyqtyń ózge de demalys oryndaryna barýǵa tyıym salynady... Qatań shekteý sharalary 3 tamyz úni saǵat 00:00 bastap kúshine enedi.

Mańǵystaýda 3 tamyzdan bastap jańa karantın talaptary kúshine enedi.

Qaýlyǵa sáıkes, aımaqta 3 tamyz saǵat 00.00-den bastap 17 tamyz saǵat 00.00-ge deıin qatań shekteý sharalary engiziledi.

Qaýlyǵa sáıkes, ​qala mańyndaǵy jáne qalalyq qoǵamdyq kóliktiń jumysy toqtap, barlyq uıymdarda jınalystar, keńester, konferentsııalar, forýmdar, semınarlar, sezder, kórmeler, trenıngter, oqytý kýrstaryn jáne adamdar kóp jınalatyn basqa da is-sharalardy, sondaı-aq otbasylyq, estelik is-sharalardy (banketter, úılený toılar, mereıtoılar, eske alý rásimderi t.b.) ótkizýge tyıym salynady.

3 tamyzdan bastap Almatyda túngi 00:00 den bastap COVID-19 taralýynyń aldyn alý úshin qosymsha shekteý sharalary engiziledi. Sonymen qatar, qalada úı karantınin saqtamaǵandarǵa aıyppul salynatyn boldy.

Elordanyń bas memlekettik sanıtar dárigeri 2020 jyldyń 3 tamyzynan bastap Nur-Sultan qalasynda qatań shekteý sharalaryn uzartý týraly qaýlyǵa qol qoıdy.

Qalada kosmetıkalyq jáne kosmetologııalyq qyzmetter, manıkıýr jáne pedıkıýr qyzmetterin kórsetetin SPA-ortalyqtar, trenajer zaly, fıtnes-ortalyqtar, sport-saýyqtyrý ortalyqtary, basseınder, akvaparkter, jaǵajaılar, qoǵamdyq monshalar, saýnalar, sulýlyq salondary men shashtarazdar, ortalyqtar men salondar ýaqytsha istemeıdi.

Sonymen qatar, attraktsıondardyń barlyq túri, onyń ishinde ashyq aýada, turǵyn úılerdiń aýlasynda jáne jalpy paıdalaný oryndarynda ornalasqan balalardyń oıyn alańdarynyń jumysyna tyıym salyndy. Qala saıabaqtarynda, jaǵalaýda, skverlerde balalar men eresekterge arnalǵan quraldar (elektromobıl, qulaıtyn avtomobıl, samokat, gıroskýter) jalǵa berilmeıdi.

Eske salsaq, Qazaqstanda shilde aıynyń ortasynda eki aptaǵa sozylatyn karantın engizilgen bolatyn. 29 shildede Memleket basshysy Qasym-Jomart Toqaev epıdemıologııalyq ahýaldy turaqtandyrý jóninde keńes ótkizip, karantın sharalaryn taǵy eki aptaǵa uzartýdy tapsyrǵan edi. QR Premer-Mınıstriniń orynbasary Eraly Toǵjanovtyń tóraǵalyǵymen ótken vedomstvoaralyq komıssııa Prezıdent tapsyrmalaryn erekshe baqylaýǵa aldy.

Eki aptaǵa sozylǵan karantınge baılanysty tólem mindetti túrde júrgiziledi. Alaıda, burynǵy somanyń jartysy, ıaǵnı 42 500 teńgeniń jartysy – 21 250 teńgeden beriledi. Bul qarjyny qazaqstandyqtar avtomatty túrde alady.


Joǵary qaraı