Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstan kómirin eksportqa shyǵarý úshin ne isteý kerek – sarapshy

2021 jyldyń 20 qazan 2021 15:09

NUR-SULTAN. QazAqparat – Qazaqstan kómirin eksportqa shyǵarý úshin temir jol sektorynda básekelestik jasaý kerek. Bul týraly Respýblıkalyq taý-ken óndirýshi jáne taý-ken metallýrgııalyq kásiporyndar qaýymdastyǵynyń atqarýshy dırektory Nıkolaı Radostovets aıtty, dep habarlaıdy QazAqparat tilshisi.

«Eń bastysy temir jol sektorynda básekelestik jasaý qajet. Óıtkeni, Qazaqstan temir joly - bul tek úlken kompanııa ǵana jáne barlyq ýaqytta bizdiń jańa ádisterimizde ıgere almaı jatady. Aıtalyq, qazir bizde Eýropadaǵy jetkizýshimen kelisimshart bar, al bir aıdan keıin basqa óńirden jetkizýshi shyqty delik. Al QTJ bizge josparlary bar ekendigin, jetkize almaıtyndyǵyn aıtady. Qazaqstanǵa básekelestik jasaı alatyn ári tasymaldaý baǵasyn tómendetýge qaýqarly utqyr jekemenshik tasymaldaýshy qajet. Buǵan qosa, júkterimizdi Reseı arqyly Eýropaǵa tasymaldaı alý úshin «jasyl» dáliz kerek. Jáne de bizge Reseı porttarynda logıstıkalyq ǵımarattar salýǵa ruqsat mindetti túrde bolýy tıis», - dedi ol elordada ótip jatqan Astana Mining & Metallurgy 11-shi taý-ken metallýrgııalyq kongresi aıasynda uıymdastyrylǵan brıfıngte.

Onyń túsindirýinshe, óıtkeni, Qazaqstannyń teńizge shyǵar joly joq. Al júk tasymalynda porttarda elimizdiń logıstıkalyq ǵımarattarynyń bolýy óte mańyzdy.

«Bizge Reseı arqyly kómir tasýǵa arnalǵan búgin bar da, erteń joq kvota kerek emes. Suranystaǵy qandaı kólemdegi kómirdi jetkize alatyndyǵymyzǵa qatysty nyq senimdilik qajet. Kómirimizdi tek Eýropaǵa ǵana jetkizgimiz kelmeıdi. Ýkraınadan da suranys joǵary. Qytaı arqyly Azııaǵa da shyǵarǵymyz keledi», - dedi Nıkolaı Radostovets.


Avtor Marlan Jıembaı
Basty sózder: Energetıka,
Joǵary qaraı