Aýa raıy
Astana 23 °S
Almaty 31 °S
valıýta baǵamy
USD 412.55
EUR 468.66
RUB 5.79
CNY 58.80

Qazaqstan koronavırýs juqtyrý boıynsha álemde kósh bastap tur ma

2020 jyldyń 5 shilde 2020 22:25

NUR-SULTAN. QazAqparat - QR Densaýlyq saqtaý mınıstri Alekseı Tsoı The New York Times basylymynda jarııalanǵan «sońǵy eki aptada Qazaqstan koronavırýs ınfektsııasynyń taralýy boıynsha kósh basyna shyqty» degen derekke qatysty pikir bildirdi, dep habarlaıdy QazAqparat tilshisi.

«Iá, mundaı monıtorıngti túrli uıymdar júrgizedi. Ózim de tanystarymnan Qazaqstan qyzyl tańbamen belgilenip, «elimizde ósim joǵary» delingen shamamen 100 sýret aldym. Muqııat oqysańyzdar, eń aldymen aǵylshyn tilinde jarııalanǵan bul aqparatta sońǵy 2 aptadaǵy ósim jaıynda aıtylǵan. Ózderińiz bilesizder, biz qazirgi ýaqytta sımptomy bar jáne sımptomsyz naýqastardy qosyp, bárin birge sanaıtyn boldyq. Óıtkeni, sımptomsyz ekendigine qaramastan ol patsıent vırýs taratýshy sanalady jáne olar aıryqsha nazar aýdarýdy qajet etedi. Sondyqtan atalǵan ádisti ózgertýdiń nátıjesinde vırýs juqtyrǵan patsıentterdiń sany statıstıkaǵa salǵanda tsıfrlyq turǵyda ózgeriske ushyrady», - dedi mınıstr Ortalyq kommýnıkatsııalar qyzmetindegi brıfıng barysynda.

Onyń atap ótýinshe, qazirgi ýaqytta elimizde vırýs juqtyrǵandar sany kúndelikti 1,5 myń jaǵdaıdy qurap, turaqty bolyp tur. ıAǵnı, sońǵy eki aptanyń ishinde elimizde indet juqtyrýshylar sanynyń kúrt artyp ketýi tirkelgen joq.

«Bizde mundaı patsıentterdiń birqalypty, birtindep anyqtalýy tirkelip otyr. Biz sımptomy bar jáne sımptomsyz patsıentterdi birge kórsetkennen keıin aldaǵy 1-2 aptadan keıin statıstıkalyq derekter túzeledi»,- dedi Densaýlyq saqtaý mınıstri.

Joǵary qaraı