Qazaqstan koronavırýs juqtyrý kórsetkishi boıynsha álemde 105-orynda tur

NUR-SULTAN. QazAqparat – Qazaqstan 222 eldiń álemdik reıtıngisinde COVID-19-dyń ólim kórsetkishi boıynsha 101-orynda tur. Bul týraly QR Densaýlyq saqtaý mınıstri Alekseı Tsoı Úkimet otyrysynda málim etti, dep habarlaıdy QazAqparat tilshisi.

«Álemde KVI-diń 254 mıllıonnan astam jaǵdaıy tirkelgdi. Táýligine 340 myńnan astam jaǵdaı tirkelip otyr. 5 mıllıonnan astam adam qaıtys boldy. Dúnıejúzilik densaýlyq saqtaý uıymynyń Eýropa aımaǵyndaǵy málimetterine sensek, sońǵy eki aptada 54 eldiń 36-synda syrqattanýdyń ósýi baıqalady», - dedi Alekseı Tsoı.

Onyń aıtýynsha, keıingi 14 kúnde aýrýdyń eń kóp ósimi Vengrııada, Avstrııada, Germanııada Polshada baıqalǵan.

«Aýrý ósimi 14 elde, onyń ishinde Izraılde 48%, Moldovada 28%, Qyrǵyzstanda 23%, Armenııada 22%, Ulybrıtanııada 18%, Estonııada 16% jáne Belarýssııada 3% tómendedi. Qazaqstanda sońǵy eki aptada aýrý kórsetkishi 23% tómendedi. 222 eldiń álemdik reıtıngisinde Qazaqstan syrqattaný kórsetkishi boıynsha - 105-orynda, al ólim kórsetkishi boıynsha - 101-orynda tur», - ded mınıstr.