Aýa raıy
Astana 11 °S
Almaty 12 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstan qus tumaýyna baılanysty Reseımen shekaraǵa shekteýler qoıdy

2020 jyldyń 5 tamyz 2020 09:40

NUR-SULTAN. QazAqparat - Qazaqstan H5N8 qaýipti vırýsy belgileriniń tabylýyna baılanysty Reseı Federatsııasymen shekaraǵa shekteýler qoıdy, dep habarlaıdy QazAqparat tilshisi.

QR Aýyl sharýashylyǵy mınıstrliginiń resmı s aıtynda qus tumaýymen baılanysty erekshe qaýip aımaǵy - Qazaqstannyń soltústik-batysy ekeni aıtylǵan.

«Aǵymdaǵy jyldyń 3-4 tamyzynda Veterınarlyq jáne fıtosanıtarlyq qadaǵalaý boıynsha federaldy qyzmettiń Chelıabidegi basqarmasy aımaqta anyqtalǵan qus tumaýy vırýsynyń genetıkalyq belgileri týraly aqparat taratty. Óli qustardan alynǵan barlyq synamalarda H5N8 tumaýy vırýsynyń kishi túri anyqtaldy. Qustardyń barlyq túrleri tumaýdy tez qabyldaıtyny belgili. Bul aýyl sharýashylyq, sınantropty jáne jabaıy qustarǵa jyldam juǵatyn ári lezde taraıtyn vırýstyq aýrý. Sondyqtan, qus tumaýynyń jappaı taralyp ketý qaýpi bar»,-deligen habarlamada.

Osyǵan baılanysty, Ývel aýdanaralyq veterınarlyq zerthanasy, Chelıabi synaq zerthanasy jáne Vladımır qalasyndaǵy janýarlardyń densaýlyǵyn saqtaý federaldy ortalyǵy jasaǵan dıagnoz negizinde, Qazaqstan aýmaǵynda epızootıkalyq talaptardy saqtaý maqsatynda, QR Aýyl sharýashylyǵy mınıstrliginiń Veterınarlyq baqylaý jáne qadaǵalaý komıteti 2020 jyldyń 4 tamyzynan bastap Chelıabi oblysynan termııalyq óńdeýden ótpegen qustarǵa arnalǵan jemshóp qospalary (hımııalyq jáne mıkrobıologııalyq sıntezdiń qospalarynan basqa), taksıdermııalyq óńdeýden ótpegen aýlanǵan ań-qustar (tiri qustar, jumyrtqalar, qus eti jáne qus etiniń barlyq túrleri), sonymen qatar qustardy ustaýǵa, soıýǵa jáne kesýge qoldanylatyn qural-jabdyqtar ákelýge jáne tasymaldaýǵa ýaqytsha shekteýler engizdi.

Shekaralas aımaqtardaǵy epızotııalyq jaǵdaıdy oblystardyń veterınarlyq qyzmeti erekshe baqylaýǵa aldy.

H5N8 adamdar úshin tómen patogendi dep sanalǵanymen, ǵalymdardyń pikirinshe, ol tez ózgeriske ushyrap, tumaýdyń basqa túrimen aýyrǵan jaǵdaıda ólimge ákep soǵýy múmkin.


Joǵary qaraı