Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Qazaqstan Qyrǵyzstanǵa mıneraldy sý, maı, qus eti men makaron eksporttaıdy

2022 jyldyń 27 mamyr 2022 08:41

BІShKEK. QazAqparat - Qazaqstan men Qyrǵyzstannyń aýyl sharýashylyǵy salasyndaǵy ózara yntymaqtastyq nyǵaıa túsedi, dep habarlaıdy QazAqparat.

Esterińizge sala keteıik, keshe Bishkekte Qazaqstan Respýblıkasynyń Prezıdenti Qasym-Jomart Toqaev Qyrǵyz Respýblıkasynyń Prezıdenti Sadyr Japarovpen kezdesti.

Memleket basshylary agroónerkásiptik keshenniń birqatar baǵyttary boıynsha: ósimdik sharýashylyǵy, mal sharýashylyǵy, veterınarııa, AÓK mehanıkalaý jáne avtomattandyrý, ósimdikterdiń karantıni, aýyl sharýashylyǵy ónimderin qaıta óńdeý, sondaı-aq agrarlyq ǵylym salasynda yntymaqtastyq ornatýǵa qyzyǵýshylyq bildirdi.

Salalyq vedomstvo basshylary Bishkekte aýyl sharýashylyǵy salasyndaǵy yntymaqtastyqty teńdik jáne ózara tıimdilik qaǵıdattarynda damytý úshin qolaıly jaǵdaı jasaýdy kózdeıtin memorandýmǵa qol qoıdy.

QR Aýyl sharýashylyǵy mınıstri Erbol Qarashókeev eki el arasyndaǵy aýyl sharýashylyǵy salasyndaǵy yntymaqtastyqtyń erekshe mańyzy bar ekenin atap ótti.

«Biz eki mınıstrliktiń birlesken jumysy úshin birinshi kezektegi basymdyqtardyń qatarynda AÓK ónimderiniń ózara saýda kóleminiń ulǵaıýyn kórip otyrmyz. Qazaqstan un, ósimdik maıy, makaron ónimderi, taǵamdyq jumyrtqa, sút ónimderi, shokolad jáne kondıterlik ónimderdi Qyrǵyzstanǵa ózara tıimdi sharttarmen jetkizýdi jalǵastyrýǵa múddeli. Óz tarapymyzdan Qyrǵyzstannan erte pisetin kókónisterdi (kartop, sábiz, pııaz) satyp alýǵa múddelimiz. Elderimizdiń arasyndaǵy saýdany ulǵaıtý, onyń qurylymyn jaqsartý, jetkiziletin taýarlardyń nomenklatýrasyn keńeıtý jónindegi jumysty jalǵastyrýdy usynamyz. Osy memorandýmǵa qol qoıý eki eldiń aýyl sharýashylyǵy salasyndaǵy yntymaqtastyqty odan ári damytýǵa yqpal etetinine senimdimin», – dedi Erbol Qarashókeev.

Statıstıkalyq málimetterge sáıkes, 2022 jylǵy qańtar-naýryz aılarynda Qazaqstan men Qyrǵyzstan arasyndaǵy aýyl sharýashylyǵy ónimderi men olardy qaıta óńdeý ónimderiniń taýar aınalymy 43,4 mln AQSh dollaryn qurady.

Osy aralyqta Qazaqstannan Qyrǵyzstanǵa eksport kólemi 28,7 mln AQSh dollar boldy.

Eksporttyń negizgi kólemi - sý, onyń ishinde mıneraldy jáne gazdalǵan sý, sondaı-aq janýarlar men ósimdik maıy, makaron ónimderi, úı qusynyń eti men taǵamdyq qosymsha ónimder, ósimdik maıy, nan men un ónimderi jáne basqa da birqatar ónimge tıesili.

2022 jyldyń qańtar-naýryz aılarynda Qyrǵyzstannan Qazaqstanǵa ımport kólemi 14,7 mln AQSh dollaryn qurady.


Joǵary qaraı