Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Qazaqstan Qyrǵyzstanmen taýar aınalymyn 2 mlrd dollarǵa jetkizýdi josparlap otyr

2022 jyldyń 15 sáýir 2022 16:54

NUR-SULTAN. QazAqparat – Qazaqstan Qyrǵyzstanmen taýar aınalym kólemin 2 mlrd dollarǵa jetkizýdi josparlap otyr. Bul týraly QR Premer-Mınıstri Álıhan Smaıylovtyń Qyrǵyz Respýblıkasynyńelshisi Dastan Dıýshekeevpen kezdesý barysynda aıtyldy, dep habarlaıdy QazAqparat Úkimet basshysynyń baspasóz qyzmetine silteme jasap.

Kelissóz barysynda taraptar saýda jáne ınvestıtsııalar, tranzıt jáne kólik, sondaı-aq sý-energetıkalyq teńgerim salalaryndaǵy yntymaqtastyq máselelerin talqylady.

Álıhan Smaıylov baýyrlas eki el arasyndaǵy 30 jyldyq dıplomatııalyq qarym-qatynas kezinde saıası, saýda-ekonomıkalyq jáne mádenı-gýmanıtarlyq salalarda ózara túsinistik qalyptasqanyn atap ótti.

Ózara saýda máselesin talqylaı otyryp, QR Premer-Mınıstri taýar nomenklatýrasyn keńeıtý qajettigi týraly pikir bildirdi. Saýda-ekonomıka salasyndaǵy negizgi jetistik ózara saýda kóleminiń ulǵaıýy jáne belgilengen 1 mlrd dollarǵa qol jetkizý boldy. Jańa mindet — taýar aınalymynyń kólemin 2 mlrd dollarǵa jetkizý.

«Bizde saýdany ulǵaıtý áleýeti bar 190 taýar pozıtsııasy boıynsha usynys bar. Bizge «Qarasý-Aqtilek» ótkizý beketi mańynda ındýstrııalyq saýda-logıstıkalyqkeshender qurý jobasyn iske asyrýdy jedeldetý qajet», — dedi Á. Smaıylov.

Sý-energetıka salasyndaǵy ózara is-qımylǵa qatysty QR Mınıstrler kabınetiniń basshysy bul saladaǵy máseleler júıeli túrde sheshilip jatqanyn atap ótti.

D. Dıýshekeev óz kezeginde Qyrǵyzstan tarapynyń Qazaqstannan tikeleı ınvestıtsııalar tartýǵa múddeli ekenin jetkizdi.

«Biz ınvestıtsııalyq jáne saýda saıasatyn jetildirý jolynda belsendi jumys júrgizip jatyrmyz. Bıznes júrgizý jáne kásipkerler men ınvestorlardyń quqyqtaryn qorǵaý úshin qolaıly jaǵdaılar jasalyp jatyr», — dedi Qyrǵyzstannyń Qazaqstandaǵy elshisi.

Sondaı-aq D. Dıýshekeev ortaq múddelerdi qanaǵattandyrý aıasynda azyq-túlik qaýipsizdigin qamtamasyz etýge qatysty usynys aıtty. Mundaı sheshimniń maqsaty – syrtqy naryqtardaǵy turaqsyzdyq jaǵdaıynda azyq-túlik qaýipsizdiginiń buzylýynyń syn-tegeýrinderin tómendetý úshin birikken saıasatty ázirleý.

Kezdesý qorytyndysy boıynsha taraptar barlyq qozǵalǵan másele boıynsha ymyraǵa kelýge daıyn ekendikterin bildirdi.



Joǵary qaraı