Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstan-Qytaı shekarasyndaǵy jaǵdaı Úkimettiń turaqty baqylaýynda

2021 jyldyń 25 qyrkúıek 2021 17:00

NUR-CULTAN. QazAqparat - Koronavırýs ınfektsııanyń taralýyna tosqaýyl qoıý maqsatynda QHR Úkimeti Dostyq-Alashankoý jáne Altynkól-Qorǵas shekaralyq ótkelderinde aldyn alý jáne baqylaý sharalaryn kúsheıtti. Bul týraly QazAqparat «Qazaqstan temir joly» kompanııasyna silteme jasap habarlaıdy.

Koronavırýs ınfektsııanyń taralýyna tosqaýyl qoıý maqsatynda QHR Úkimeti Dostyq-Alashankoý jáne Altynkól-Qorǵas shekaralyq ótkelderinde aldyn alý jáne baqylaý sharalaryn kúsheıtti. 15 tamyzdan bastap Alashankoý stantsııasynda (QHR) Covid-19 indetiniń jańasha qarqyn alýyna baılanysty qytaı tarapy tek konteınerlik poıyzdardy qabyldap, Qytaı-Eýropa-Qytaı tranzıttik dálizi boıynsha ótetin júkterge basymdyq bere otyryp, poıyzdardy qabyldaýdy/jóneltýdi shektedi.

Qazirgi ýaqytta QR IIDM «QTJ» UK» AQ-men birlesip osy máseleni sheshý úshin barlyq qajetti sharalardy qabyldaýda:

-júkterdiń 80%-yn Altynkól-Qorǵas stantsııasyna qaıta baǵyttaý;

- konteınerlik júkter úlesiniń artýy;

- «QTJ» UK» AQ jáne Úrimshi temir joly basshylyǵy deńgeıinde apta saıynǵy kezdesýler jáne shekara mańyndaǵy stantsııalar bastyqtary deńgeıinde kúndelikti keńester ótkizý.

Kelissózder qorytyndysy boıynsha, Úrimshi temir jolynyń basshylyǵy qazirgi ýaqytta osy másele boıynsha jergilikti Úkimetpen jumys júrgizilip jatyr dep málimdedi. TJB shekteýlerin alyp tastaǵan jaǵdaıda shtattyq jumys rejımine kóshýge daıyn.

8 aıdyń qorytyndysy boıynsha QR men QHR arasyndaǵy júk tasymaly 14,4 mln tonnany qurap, 2% - ǵa artty, onyń ishinde konteınerlik tasymal – 579 myń JFE, ótken jyldyń sáıkes kezeńimen salystyrǵanda 35% - ǵa artty.

Jaǵdaı QR Úkimetiniń turaqty baqylaýynda.


Joǵary qaraı