Aýa raıy
Astana 0 °S
Almaty 7 °S
valıýta baǵamy
USD 389.94
EUR 433.50
RUB 6.10
CNY 55.13

Qazaqstan  Qytaıǵa qurǵaq túıe sútin eksporttaıdy

2019 jyldyń 16 qyrkúıek 2019 19:03

NUR-SULTAN. QazAqparat - Elimizdiń Aýyl sharýashylyǵy mınıstrligi QR Prezıdenti Qasym-Jomart Toqaevtyń Qytaıǵa sapary aıasynda aýyl sharýashylyǵy ónimderin eksporttaý máselesi boıynsha jasalǵan kelisimder jaıynda málimettermen bólisti, dep habarlaıdy QazAqparat tilshisi.

QR AShM Veterınarlyq baqylaý jáne qadaǵalaý komıtetiniń basqarma basshysy Azamat Zabekovtiń aıtýynsha, ótken jyly Túrkistanda túıe sútin qaıta óńdeıtin zaýyt iske qosylǵan. Atalǵan óndiris oshaǵynyń jobalyq qýaty táýligine 100 tonnaǵa deıingi ónimdi quraıdy.

«Bul jobanyń túıe sharýashylyǵy men jylqy sharýashylyǵyn damytýda mańyzy óte zor. Túıe sútin óńdep, keptirip, qytaı naryǵyna eksportqa shyǵarý josparlanyp otyr. Joba Jambyl, Túrkistan jáne Qyzylorda oblystarynyń túıe sútin óndirýshileriniń basyn biriktiretin bolady. Sonymen qatar Mańǵystaý oblysyndaǵy túıeshilerimizdiń de múmkinshiligin jumyldyrý josparda bar. Ol jaqta sútti qurǵatatyn jeke tseh ashý josparlanǵan. Odan keıin qurǵaq sút zaýytqa ákelinip, qaptalyp, naryqqa jetkiziledi», - dedi Azamat Zabekov Aýyl sharýashylyǵy mınıstrliginde ótken brıfıngte.

Onyń aıtýynsha, túıe súti untaq túrinde eksportqa shyǵarylady.

«Barlyq tehnologııalyq qurylymy qazirdiń ózinde jasaqtalǵan. Jergilikti brend te quryldy. Aıtalyq, »Saýmal« brendin Reseı naryǵyna shyǵarýdamyz. Atalǵan ónimniń Qytaı naryǵyndaǵy baǵasy joǵary. Menińshe, bul bizdiń fermerler úshin qosymsha tabys kózi bolmaq», - dedi ol.

Vedomstvo málimetinshe, Memleket basshysy Qasym-Jomart Toqaevtyń Qytaıǵa sapary aıasynda mal sharýashylyǵy ónimderi, sút ónimderi jún-teri boıynsha hattamaǵa qol qoıylǵan. Qol qoıylǵan hattamalar qazaqstandyq ónimderdi qytaı naryǵyna shyǵarýǵa múmkindik beredi.


Joǵary qaraı