Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstan Majarstan aýmaǵynda QazVac vaktsınasyn qoldanýdy usyndy

2021 jyldyń 26 qazan 2021 15:22

NUR-SULTAN. QazAqparat – Qazaqstan Majarstan aýmaǵynda QazVac vaktsınasyn qoldanýdy usyndy. Bul týraly QR Premer-Mınıstriniń orynbasary – Syrtqy ister mınıstri Muhtar Tileýberdi aıtyp berdi, dep habarlaıdy QazAqparat tilshisi.

Majarstannan kelgen ókiletti bıznes-delegatsııanyń jáne qazaqstandyq kásipkerlerdiń qatysýymen iri bıznes forým ótti. Іs-shara barysynda medıtsınalyq týrızm, aýyl sharýashylyǵy, «jasyl energetıka», kólik jáne logıstıka salalarynda birqatar mańyzdy ınvestıtsııalyq memorandýmǵa qol qoıyldy.

«Bizdiń elderimiz koronavırýs pandemııasy kezinde bir-birine qoldaý kórsetip keledi. Ózderińizge málim, bıylǵy maýsymnan bastap Qazaqstan men Majarstan vaktsınalaý pasporttaryn ózara taný jóninde ýaǵdalastyqqa qol jetkizdi. Biz otandyq QazVac vaktsınasyn Majarstan aýmaǵynda qoldaný múmkindigin qarastyrýdy usyndyq», - dedi M. Tileýberdi QR Syrtqy ister mınıstrliginde Majarstan Premer-mınıstriniń orynbasary, Qarjy mınıstri Mıhaı Vargamen kezdesýde.

Buǵan deıin mınıstr qos memleket arasyndaǵy saıası dıalog joǵary deńgeıde ekenin, Qazaqstan men Majarstan bir-biriniń halyqaralyq arenadaǵy bastamalary men kúsh-jigerin qoldap kele jatqanyn aıtqan edi.


Joǵary qaraı