Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstan men AQSh áskerı medıtsınada IT-tehnologııany qoldaný máselesin talqylady

2021 jyldyń 24 maýsym 2021 23:07

ALMATY. QazAqparat - Almatydaǵy Qorǵanys mınıstrliginiń áskerı medıtsına ortalyǵynda Qazaqstan men AQSh qorǵanys vedomstvolary ókilderiniń kezdesýi ótti, dep habarlaıdy QazAqparat.

Taraptar medıtsınalyq qyzmet mamandaryn oqytýda tsıfrlyq tehnologııalardy qoldaný máselelerin talqylady.

Sharaǵa eki eldiń qorǵanys vedomstvolarynyń mamandary, sonyń ishinde Áskerı medıtsına ortalyǵynyń, Radıoelektronıka jáne baılanys Áskerı-ınjenerlik ınstıtýtynyń, Aqparattandyrý departamentiniń ókilderi qatysty.

Amerıkalyq mamandar Áskerı medıtsına ortalyǵyndaǵy synyptardyń IT-jabdyqtarymen tanysty. Tájirıbe sabaqtarynda qazaqstandyq dárigerler urys alańynda alǵashqy medıtsınalyq kómek kórsetý, jaıaý áskerdiń jaýyngerlik kóliginen jaralanǵandardy shyǵarý, olardy kóshirý mashyqtaryn kórsetti.




«Budan bólek, AQSh Ulttyq gvardııasynyń kıbertransport tehnıgi Erık Djons elektrondy medıtsınalyq oqytý taqyrybynda onlaın túrde baıandama jasady. Ol qoljetimdi bilim berý platformalary men baǵdarlamalaryn paıdalaný arqyly qashyqtan oqytýdy uıymdastyrý máselelerine jan-jaqty toqtaldy.

Aqparat almasý barysynda ortalyqty tsıfrlyq jabdyqtaý, aqparattyq tehnologııalar aıasyndaǵy jobalardy ázirleý máseleleri de qozǵaldy.

Aıta ketsek, AQSh-tyń QR-daǵy Elshiliginiń qaýipsizdik salasyndaǵy áskerı yntymaqtastyq keńsesi eki eldiń qorǵanys vedomstvolary arasyndaǵy aqparat almasýdy Áskerı yntymaqtastyq jospary negizinde uıymdastyrdy», - dedi QR Qorǵanys mınıstrliginen.








Joǵary qaraı