Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstan men Eni balamaly energııa kózderin birlesip damytady

2021 jyldyń 26 shilde 2021 16:21

NUR-SULTAN. QazAqparat - Qazaqstan Respýblıkasynyń Premer-Mınıstri Asqar Mamın Eni energetıka kompanııasynyń bas atqarýshy dırektory Klaýdıo Deskaltsımen kezdesý ótkizdi, dep habarlaıdy primeminister.kz.

Eni kompanııasy Qazaqstanda 1992 jyldan beri jumys istep keledi jáne Qazaqstan ekonomıkasyna $15 mlrd astam ınvestıtsııa saldy.

Taraptar Qashaǵan jáne Qarashyǵanaq ken oryndarynda munaı men kondensat óndirý deńgeıin arttyrý jáne ony saqtaý, sondaı-aq Qazaqstan Respýblıkasynyń aýmaǵynda jańartylatyn energııa kózderi jobalaryn damytý máselelerin talqylady.

QR Premer-Mınıstri Asqar Mamın Eni Qazaqstannyń mańyzdy ınvestıtsııalyq seriktesi ekenin atap ótip, kompanııanyń Qarashyǵanaq jáne Qashaǵan ken oryndaryn ıgerýge, sondaı-aq Isataı jáne Abaı ken oryndarynda barlaý jumystaryn júrgizýge qosqan úlesin atap ótti.

Eni kompanııasy QR-daǵy energetıkalyq kóshý jáne kómirteksizdendirý jobalaryna qomaqty úles qosýda. Osy baǵyt aıasynda birqatar birlesken joba júzege asyrylyp jatyr.

Aqtóbe oblysynda qýaty 100 MVt bolatyn jel elektr stantsııasynyń qurylysy boıynsha joba iske asyrylýda jáne Túrkistan oblysynda qýaty 50 MVt bolatyn kún elektr stantsııasynyń qurylysy aıaqtalýda.




Úkimet basshysynyń qatysýymen birqatar qujatqa qol qoıyldy.

«QazMunaıGaz» UK» AQ men Eni kompanııasy arasynda elektr energııasyn óndirý jáne iske asyrý úshin energetıkalyq kóshý jobalaryn ázirleýdegi yntymaqtastyq týraly jáne QR-da aýyl sharýashylyǵy jáne sýtegi jobalaryn damytý týraly memorandýmdarǵa qol qoıyldy.

Ekologııa, geologııa jáne tabıǵı resýrstar mınıstrligi, «Qazgeologııa» AQ men Eni kompanııasy arasynda QR aýmaǵynda jer qoınaýyn paıdalaný jobalaryn birlesip iske asyrý máseleleri boıynsha yntymaqtastyq týraly memorandýmǵa qol qoıyldy.


Joǵary qaraı