Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstan men Frantsııa 2030 jylǵa deıingi yntymaqtastyq jol kartasyna qol qoıdy

2021 jyldyń 13 mamyr 2021 11:46

NUR-SULTAN. QazAqparat - Qazaqstan men Frantsııa 2030 jylǵa deıingi yntymaqtastyqtyń Jol kartasyna qol qoıdy, dep habarlaıdy QazAqparat.

Qazaqstan men Frantsııa 2030 jylǵa deıingi ekonomıkalyq jáne ınvestıtsııalyq yntymaqtastyqtyń birlesken Jol kartasyna qol qoıdy.

Qujatqa QR SІM, «KAZAKH INVEST» UK» AQ, eki eldiń elshilikteri jáne «MEDEF» frantsýz kásipkerleri qaýymdastyǵymen birlesip uıymdastyrǵan Frantsýz Respýblıkasynyń Eýropa jáne syrtqy ister mınıstri janyndaǵy syrtqy saýda jáne ekonomıkalyq tartymdylyq jónindegi mınıstr-delegat Frank Rıesterdiń Qazaqstanǵa sapary aıasynda qol qoıyldy.

Frank Rıester atap ótkendeı, Frantsııa Prezıdenti Emmanıýel Makron bastaǵan bul qujat ekijaqty strategııalyq áriptestiktiń jańa kezeńin belgilep, ekijaqty baılanystardy damytýǵa qýatty serpin beredi.

«Frantsýz-qazaqstandyq strategııalyq seriktestik uzaqmerzimdi birlesken jobalarǵa negizdelgen. Jıyrma jyldan astam ýaqyt boıy iri frantsýz ónerkásiptik toptary óndirýshi energetıka, avıatsııa, temirjol jabdyqtarynyń qurylysy jáne ǵarysh salasy sııaqty negizgi salalarda qazaqstandyq kompanııalarmen áriptestik qatynastardy jolǵa qoıý týraly sheshim qabyldady. 2018 jyly bizdiń elderimizdiń prezıdentteri 2021-2030 jyldarǵa arnalǵan frantsýz-qazaqstandyq ekonomıkalyq yntymaqtastyǵynyń jol kartasyna bastamashy boldy. «Jol kartasy» taıaýdaǵy on jylǵa bizdiń ekijaqty ekonomıkalyq qatynastarymyzǵa jańa serpin beredi. Meniń oıymsha, frantsýz-qazaqstandyq ekonomıkalyq qatynastar kóptegen bastamalarmen kelesi onjyldyq ishinde ártaraptandyrylyp, únemi keńeıe túsýi úshin barlyq jaǵdaı jasalǵan. Jaqyn arada naqty jobalar júzege asyrylady dep oılaımyn», - dedi Frank Rıester.




Aıta ketý kerek, delegatsııa quramyna birqatar iri frantsýz kompanııalarynyń ókilderi kirdi. Olardyń qatarynda álemge áıgili «Airbus», «Air Liquide», «Saint-Gobain», «Orano», «Total Eren», «Vicat», «Thales», «Idemia», «Tractebel», «Alstom» kompanııalarynyń basshylary, «BPI France» bızneske járdemdesý ınstıtýty, Lazard Freres» qarjy ınstıtýty jáne basqalar.




Sapar aıasynda sheteldik delegattar QR Prezıdentiniń Halyqaralyq yntymaqtastyq jónindegi arnaıy ókili Erjan Qazyhanovpen, Indýstrııa jáne ınfraqurylymdyq damý, energetıka, qarjy, tsıfrlyq damý, ınnovatsııalar jáne aeroǵarysh ónerkásibi mınıstrlikteriniń, sondaı-aq Nur-Sultan qalasy ákimdiginiń, «Samuryq-Qazyna» UÁQ» AQ jáne «Báıterek» UBH» AQ basshylyǵymen kezdesýler ótkizdi.




Dıalog barysynda taraptar eki eldiń bıznes qurylymdary arasyndaǵy ózara tıimdi yntymaqtastyqty nyǵaıtýdyń, sondaı-aq energetıka, sý sharýashylyǵy jáne turǵyn úı-kommýnaldyq ınfraqurylymyn jańǵyrtý, tsıfrlyq densaýlyq saqtaý, bıometrııalyq júıeler, avtomobıl jasaý, transformatorlar óndirisi, ǵaryshtyq spýtnıkterdi qurastyrý jáne basqa salalardaǵy birlesken jobalardy iske asyrýdyń ózekti máselelerin talqylady.

Kelissóz qorytyndysy boıynsha densaýlyq saqtaý salasyndaǵy yntymaqtastyq týraly memorandýmǵa jáne frantsııalyq AFD damý agenttigi men QR Ulttyq ekonomıka mınıstrligi arasynda yntymaqtastyq týraly memorandýmǵa qol qoıyldy.








Joǵary qaraı