Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstan men Irannyń jetekshi zertteý ınstıtýttary yntymaqtastyq perspektıvasyn talqylady

2021 jyldyń 18 qazan 2021 18:43

TEGERAN. QazAqparat - Qazaqstan men Irannyń jetekshi zertteý ınstıtýttary Qazaqstannyń Táýelsizdiktiń 30 jylyndaǵy basty jetistikteri men Qazaqstan-Iran yntymaqtastyǵynyń perspektıvalaryn talqylady, dep habarlaıdy QazAqparat QR Irandaǵy Elshiligine silteme jasap.

QR Irandaǵy Elshiliginiń bastamasy boıynsha Nursultan Nazarbaev qory janyndaǵy QR Álemdik ekonomıka jáne saıasat ınstıtýtynyń (ÁESI) jáne Iran Syrtqy ister mınıstrligi janyndaǵy saıası jáne halyqaralyq zertteýler ınstıtýtynyń (IPIS), sondaı-aq Qazaqstan men Iran elshilikteriniń qatysýymen Qazaqstan Respýblıkasynyń Táýelsizdiktiń 30 jylyndaǵy jetistikterine jáne Qazaqstan-Iran qatynastaryn damytýǵa arnalǵan vebınar ótti.

Vebınardyń basty spıkerleri – QR Irandaǵy Elshisi A.Orazbaı jáne ÁESI dırektory E. Saltybaev, Irannyń Syrtqy ister mınıstriniń orynbasary - IPIS prezıdenti M. Sheıholeslamı jáne Irannyń Qazaqstandaǵy Elshisi M. Saber, Irannyń Qazaqstandaǵy eks-elshisi M. Damırchılý jáne Irannyń Túrkııadaǵy eks-elshisi A. Bıgdelı, sondaı-aq eki ınstıtýttyń sarapshylary boldy.




Eki paneldik sessııadan turatyn vebınardyń kún tártibine Qazaqstannyń damýy men onyń Iran Islam Respýblıkasymen qarym-qatynasy, sondaı-aq óńirlik qaýipsizdik jáne yntymaqtastyq perspektıvalary máseleleri kirdi.

Qazaqstannyń asa mańyzdy jetistigi sol kezdegi eń iri ıadrolyq qarý arsenalynan bas tartý jáne táýelsizdik tańynda Semeı polıgonyn jabýǵa baılanysty eldiń jahandyq qaýipsizdikti nyǵaıtýǵa qosqan tarıhı úlesi ataldy.

Sonymen qatar, QR Tuńǵysh Prezıdenti – Elbasy N.Á.Nazarbaev bastamashy bolǵan Qazaqstannyń basqa da beıbit bastamalaryna, sonyń ishinde Azııadaǵy ózara is-qımyl jáne senim sharalary jónindegi keńesti (AÓSShK) jáne Álemdik jáne dástúrli dinder sezin shaqyrý, Sırııa daǵdarysyn sheshý úshin Astana alańyn usyný, ıadrolyq qarýdan azat aımaq qurý, Irannyń ıadrolyq baǵdarlamasy boıynsha Almatydaǵy kelissózder jáne basqa da kóptegen beıbit bastamalaryna joǵary baǵa berildi.

Qazaqstannyń áleýmettik-ekonomıkalyq damýy boıynsha qabyldanǵan sheshimderdiń tıimdiligi men eldegi reformalardyń tabysty júrgizilýi Qazaqstannyń búgingi órkendeýiniń jáne onyń Ortalyq Azııa óńirindegi kóshbasshylyǵynyń kepili dep ataldy.

Memleket basshysy Qasym-Jomart Toqaevtyń búgingi tańda júrgizip jatqan reformalaryna joǵary pikirler aıtyldy.

Barlyq syn-qaterlerge qaramastan, Qazaqstan-Iran qatynastaryn damytýdaǵy negizgi faktor retinde dıplomatııalyq qatynastar ornatylǵan kúnnen bastap Iran men Qazaqstan arasynda joǵary deńgeıdegi saıası kelispeýshilikterdiń bolmaýy ataldy.

Vebınarǵa qatysýshylar óńirlik qaýipsizdikti qamtamasyz etýdegi eki memlekettiń, ásirese Kaspıı aımaǵyndaǵy mańyzdy rólin atap ótti.

Irannyń ShYU-ǵa tolyq quqyly múshesi retinde qabyldaý rásiminiń bastalýyn eskere otyryp, spıkerler eki eldiń ekijaqty yntymaqtastyǵynyń jańa formatyn ázirleý, onyń ishinde Aýǵanstandaǵy oqıǵalarǵa, terrorızm men ekstremızmniń óskeleń qaterlerine baılanysty jańa syn-qaterlerdiń aldyn alý qajettiligin atap ótti.


Joǵary qaraı