Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstan men Qyrǵyzstan arasyndaǵy saýda balansy qaı deńgeıde

2021 jyldyń 13 mamyr 2021 11:37

NUR-SULTAN. QazAqparat – Parlament Senatynyń jalpy otyrysynda Qazaqstan men Qyrǵyzstan arasyndaǵy taýar aınalamynyń kórsetkishteri aıtyldy, dep habarlaıdy QazAqparat tilshisi.

«Mınıstrlikten alǵan aqparatqa sáıkes, Qazaqstan men Qyrǵyzstan arasyndaǵy 2020 jyly 2019 jylǵa qaraǵanda taýar aınalymy 15,3 paıyzǵa tómendegen. Eksport 9,9 paıyzǵa azaısa, al ımport 26 paıyzǵa kemigen. Saýda balansy 20,6 mln AQSh dollaryna ósken. Osy oraıda saýda balansynyń ósimi nemen baılanysty?», - dep surady senator Baýyrjan Qanıev.

Óz kezeginde Saýda jáne ıntegratsııa mınıstri Baqyt Sultanov pandemııa men koronavırýs daǵdarysynyń saldary elimizge jáne kórshiles memleketterde ekonomıkalyq jaǵdaıyna áser etkenenin atap ótti.

«Jalpy, bizdiń eksportymyz da, olardan alyp keletin ımportymyz da tómendedi. Biraq ımporttyń kemýi kóbirek boldy. Eksport 62 mln dollarǵa, al ımport 92 mıllıonǵa qysqardy. Bul óz kezeginde aramyzdaǵy balanstyń jaqsarýyna tikeleı áserin berip otyr», - dedi mınıstr.

Osy oraıda ol eksport qurylymynda bıdaıdyń, temeki ónimderiniń, metall konstrýktsııalardyń jetkizilimi qysqarǵanyn aıtty. Sonymen qatar ımport boıynsha bylǵarydan jasalǵan aıaq kıim, sándik kosmetıka jáne basqa taýarlar azaıdy.

Budan buryn habarlanǵandaı, búgin Senattyń jalpy otyrysynda EAEO aýqymynda Qyrǵyzstannyń ekonomıkalyq qatynasy týraly qujat qabyldady.


Joǵary qaraı