Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstan men Qyrǵyzstan sý qaýipsizdigi máselesin qalaı sheshpek

2021 jyldyń 10 mamyr 2021 15:34

NUR-SULTAN. QazAqparat - Premer-Mınıstrdiń orynbasary Roman Sklıar depýtattyq saýalǵa bergen jaýabynda Qyrǵyzstan Respýblıkasymen sý qaýipsizdigi qalaı sheshilip jatqanyn aıtty, dep habarlaıdy QazAqparat tilshisi.

«Qazaqstannyń shekaralas eldermen sý qaýipsizdigi máseleleri ekijaqty jáne kópjaqty formatta, ózara tıimdi yntymaq ornatý arqyly sheshiledi. Qyrǵyz Respýblıkasymen sý qatynastary eki el Úkimetteri arasyndaǵy Shý jáne Talas ózenderindegi sý sharýashylyǵy qurylystaryn paıdalaný týraly 2000 jylǵy 21 qańtardaǵy kelisim negizinde retteledi. Kelisimniń normalary boıynsha memleketaralyq komıssııasy jumys isteıdi», - dep jazdy Roman Sklıar depýtattyq saýalǵa jaýap bere otyryp.

Onyń aıtýynsha, memleketaralyq paıdalanýdaǵy sý nysandaryn tehnıkalyq turǵyda kútip ustaý úshin respýblıkalyq bıýdjetten jyl saıyn 75,0 mln teńge bólinedi.

«2021 jyly Qazaqstan tarapy Shý jáne Talas ózenderindegi memleketaralyq sýsharýashylyq qurylystarǵa eki jaqtan bólinetin bıýdjetti 119 mln teńgege deıin ulǵaıtty. 15 jáne 23 sáýirde beınekonferentsııa rejıminde ótken úkimetaralyq komıssııasynyń 28-shi otyrysynda taraptar 15 mamyrǵa deıin atalǵan shyǵyndardy naqtylaý jáne aıqyndaý, 2024 jylǵa deıin birlesip qarjylandyrý kestesin jasaý týraly ýaǵdalastyqqa qol jetkizdi», - dep atap ótti Premer-Mınıstrdiń orynbasary.

Vıtse-premer trnasshekaralyq ózen-kólderdiń sýyn taýar retinde satý eshbir eldiń tájirıbesinde joq ekenin de atady.

«Sońǵy 10-15 jylda Qyrǵyzstan transshekaralyq ózenderdiń sýyn taýar retinde zańdastyrýǵa kúsh salyp jatqanyna kelsek, álem qaýymdastyǵy ózen sýyn taýar retinde satýdy qoldamaıdy jáne álemde mundaı tájirıbe joq. Sý konventsııasyna qatysýshy elder transshekaralyq ózen-kólderdiń sýy taýar bolyp tabylmaıdy jáne baǵasy joq degen naqty ustanymdy ustanady. Atalmysh konventsııa bıýrosyna Qazaqstan 2018 jyldan beri tóraǵalyq etip otyr, - dep túıindedi Roman Sklıar.

Joǵary qaraı