Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstan men Lıýksembýrg ekonomıkalyq yntymaqtastyqty keńeıtýde

2021 jyldyń 21 qyrkúıek 2021 20:10

BRıÝSSELЬ. QazAqparat – Dúısenbi kúni Brıýssel qalasynda Qazaqstan Elshiliginiń bastamasymen «Kazakh invest» Ulttyq kompanııasy, QR-nyń Lıýksembýrgtegi Qurmetti Konsýldyǵy men Lıýksembýrgtiń saýda palatasy uıymdastyrǵan «Invest in Kazakhstan» sharasy ótti, dep habarlaıdy QazAqparattyń menshikti tilshisi.

Sharaǵa EO-daǵy «Kazakh invest» ókili, Lıýksembýrgtiń saýda palatasy men ekonomıka mınıstrliginiń, QR-nyń Lıýksembýrgtegi Qurmetti Konsýldyǵynyń qyzmetkerleri, sonymen qatar gertsogtyq iskerlik orta qatysty.

Óziniń baıandamasynda QR Elshiliginiń keńesshi-ýákili Mıras Andabaev Qazaqstan-Lıýksembýrg qatynastarynyń joǵary deńgeıde ekenine toqtalyp, Lıýksembýrg kompanııalaryn ózderi myqty dep tanylǵan tsıfrlandyrý, IT, avıatsııa, ǵarysh ónerkásibi jáne qarjy-bank qyzmeti salalarynda joǵary tehnologııalyq sheshimderdi paıdalaný arqyly júzege asatyn ortaq ınvestıtsııalyq jobalarǵa qatysýǵa shaqyrdy.

Sonymen qatar qazaqstandyq dıplomat shara qatysýshylaryn QR Prezıdenti Q. Toqaevtyń Qazaqstan halqyna Joldaýynyń («Halyq birligi jáne júıeli reformalar – el órkendeýiniń berik negizi») basty baǵyttarymen tanystyrdy.

Óz kezeginde «Kazakh invest» kompanııasynyń Eýropadaǵy ókili Aınur Tumysheva sheteldik kásipkerlerge Qazaqstannyń saýda-ınvestıtsııalyq múmkindikteri týraly aqparat berdi. Ol otandyq óńdeý ónerkásibiniń múmkindikterine tolyǵyraq toqtaldy.

«2020 jyly Qazaqstan 4 mlrd dollar tikeleı sheteldik ınvestıtsııalardy tartty. Bul kórsetkish ótken jylmen salystyrǵanda shamamen 35%-ǵa artqan. Bul týraly málimet BUU-nyń saýda jáne damý jónindegi konferentsııasynyń «Investıtsııalar boıynsha dúnıejúzilik baıandamasynda» berildi. ıÝNKTAD reıtıngi boıynsha, teńizge jaqyn ornalaspaǵan elder arasynda Qazaqstan tikeleı ınvestıtsııalardy tartý jıiligi boıynsha 1-oryn aldy. Ósýdi qamtamasyz etip otyrǵan salalar arasynda óńdeý ónerkásibi, transport, telekommýnıkatsııalar, qarjy qyzmeti, energetıka, taý-ken óndirý kesheni bar», - dedi A. Tumysheva

Lıýksembýrgtiń saýda palatasynyń halyqaralyq qatynastar jónindegi aǵa keńesshisi Stıven Koener saýda-óńdeý palatasynyń Qazaqstanmen ekijaqty yntymaqtastyq úshin múmkindikter men quraldar jasaýǵa belsendi úles qosyp jatqanyn atap ótti.

Ol Lıýksembýrg kompanııalarynyń Qazaqstanda qazirdiń ózinde jumys istep jatqanyn jáne aldaǵy ýaqytta Lıýksembýrgtiń saýda palatasynyń sol kompanııalardyń jumysyna yqpaldasýdy jalǵastyratyn málimdedi.


Joǵary qaraı